09 янв 2017 12:15Тоҷикистон / Иҷтимоӣ / Тема дня

Вазир: Бо хости Пешво дарси Конститутсия ворид мешавад

Нуриддин Саид, вазири маориф ва илми Тоҷикистон, гуфт, бо супориши Эмомалӣ Раҳмон, Пешвои миллат ба барномаи таълимии синфҳои 8 ва 9 тағйирот ворид шуда, таълими Конститутсия роҳандозӣ мегардад.

Вазири маориф, ки имрӯз, 9-уми январ ба далели ҷаласаи ҳукумат ба нишасти матбуотии ниҳодаш дер ҳозир шуд, изҳор дошт, ки барои мардуми кишвар хушхабар дорад. Ӯ роҳандозии дарси Конститутсияро зикр карда, афзуд, ки таълими он аз моҳи сентябри соли равон оғоз хоҳад шуд. Ба гуфтаи вазири маориф барномаи таълимии Конститутсия бояд то моҳи март аз ҷониби Маҳкам Маҳмудзода, раиси Суди конститутсионӣ ва Маҳмад Раҳимзода, директори Маркази миллии қонунгузории назди президенти Тоҷикистон таҳия шавад.

Манбаъ афзуд, ки дар доираи ин тағйирот қонунҳо дар бораи масъулияти падару модар дар таълими фарзанд ва танзими расму оин низ таълим дода мешаванд.

Нуриддин Саид ҳадафи тағйиротро огоҳ намудани наврасон аз тамоми нозукиҳои Конститутсия хонда, илова намуд, ки Конститутсияи Тоҷикистон аз беҳтаринҳо буда, бархе кишварҳо аз он барои худ намуна гирифта истодаанд.

Мӯҳр

Хабарҳои монанд:

шайх

офарин. пешво шуморо биёмурзад чаноби вазир

Ҷавоб диҳед Иқтибос Шикоят

Аз Вазорат

Хайрият хатогиатонро ислох намудед. Дар аввал навишта будед,ки фанни нав чори мешавад аммо ин тавр нест. Ба фанни Асосхои давлат ва хукук тагирот ворид мегардад.

Ҷавоб диҳед Иқтибос Шикоят

беном

Хуб мешуд, Дарси "таърихи Точикистони сохибистиклол" ташкил карда мешуд. Ман устоди Донишгох хастам ва таърихи чанги шахрвандии солхои 1990- умро вакте, ба чавонон накл мекунам, онхо саволхои хеле зиед медиханд ва бо шавк гуш мекунанд. Яъне онхо чизеро намедонанду хамаи инро хамчун як афсона мехонанд.... Зеро чавонони имруза он солхо набуданд. Ва мехоханд бисертар ходисахои он давраро донанд...

Ҷавоб диҳед Иқтибос Шикоят

Эзоҳ илова кунед