Русский  >>  فارسی  >>  Панҷшанбе 19 январ 2017, 07:21

Нигаронӣ аз боло рафтани нархи хизматрасонии кӯдакистонҳо

10 январ 2017, 15:26

Шурӯъ аз моҳи январи соли 2017 маблағи нигоҳубини атфол дар кӯдакистонҳои Тоҷикистон аз 80 сомонии қаблӣ то ба 100 сомонӣ боло рафт.

Гулрухсор, як сокини шаҳри Хуҷанд бо изҳори нигаронӣ мегӯяд, давоми як соли ахир бори дуюм аст, ки нархи таҳсили кӯдакон дар боғчаро баланд мебардоранд. Ба гуфтаи ӯ, ҳоло 3 фарзандашро ба боғча мебарад ва бо гарон шудани арзиши хизматрасонӣ намедонад, ки минбаъд чӣ кор мекунад: “Дар гузашта 35-40 сомонӣ барои як кӯдак маблағ пардохт мекардем. Давоми як сол якбора 60 сомонӣ боло бурда шуд. Ман ҳайронам, ки бо маоши 600 сомонӣ чӣ гуна мешавад зиндагиро пеш бурд?”

Дар ҳамин ҳол, Илҳом Султонов, мудири шӯъбаи маорифи шаҳри Хуҷанд дар як тамоси телефонӣ ба “Озодагон” сабаби болоравии арзиши хизматрасонии кӯдакистонҳоро ба “зиёдшавии музди меҳнат, ки онро соли гузашта Ҳукумати Ҷумҳурии Тоҷикистон тасдиқ намуд”, рабт дод. Ҷаноби Султонов мегӯяд, ин меъёрбандӣ дар асоси Қарори Ҳукумати Ҷумҳурии Тоҷикистон, аз 31 марти соли 2016 “Дар бораи пардохти маблағ барои нигоҳубини кӯдакон дар муассисаҳои давлатии таълимии томактабӣ” ва инчунин моддаи 23-и қонун “Дар бораи Буҷаи давлатии ҶТ” барои соли 2017 ба тасвиб расидааст: “Тибқи ин қарор арзиши хизматрасонӣ дар кӯдакистонҳои шаҳру навоҳии калони Тоҷикистон, аз ҷумла Душанбе, Қӯрғонтеппа, Норак, Хуҷанд, Истаравшан, Конибодом, Бӯстон, Турсунзода, Ваҳдат, Бобоҷон Ғафуров, Ҷаббор Расулов, Спитамен ва Шаҳринав ду нишондиҳанда барои ҳисобҳо, ки ба 100 сомонӣ баробар аст, муайян шудааст”.

Барои кӯдакистонҳои шаҳру навоҳии Хоруғ, Исфара, Гулистон, Панҷакент, Роғун, Сарбанд, Кӯлоб, Шуғнон, Зафаробод, Деваштич, Варзоб, Рашт, Файзобод, Нуробод, Ёвон ин рақам 1,5 нишондиҳанда барои ҳисобҳо ё 75 сомонӣ ва дигар шаҳру навоҳӣ ва шаҳраку деҳоти ҷумҳурӣ 1 нишондиҳанда барои ҳисобҳо ё 50 сомонӣ баробар аст.

Дар кӯдакистонҳои шаҳри Хуҷанд мегӯянд, 75 дарсади ин маблағ барои ғизои кӯдакон ва 25%-и он барои хароҷотҳои коммуналӣ ҷудо мешавад.


Шарҳи худро бинависед:

Ном:*
E-Mail:
Матни шарҳ:
Посух додан
  • каландар

  • 10 январ 2017 15:50
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
дар хакиат маош дар як чо мондаги ахнеки баланд шава,неким нархи хизматрасонии хамаи камуналию свету ова бланд кесан. Ягон майда фикри халки одира намекнан
Посух додан
  • 88

  • 10 январ 2017 15:55
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Эй шарм дореде барои кисахои худамон гуед, фарзандо калон шидан гуед онхоро аз хамн хисоб дар хорич хонондан лозим, мошин харидан лозим, ойладор кардан лозим гуед дурстар мешавад .Бало ба паси фарзанди кабизоат ................................................................................

................................................................................

................
Посух додан
  • ясир

  • 10 январ 2017 21:02
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
дар хакикат баланд карданд нархро. мо то ин мох 120 сомони месупоридем, аз январ 140 гуфтанд биёред. оби гарм надоранд группахо хунук боз, кудакхо доим бетоб. дар руссия як рузи омадан кудак 100 рублро ташкил медихад, рузхои истирохату бо ягон сабаб наомадани кудак истисно мешавад. мо худамонро бо руссия баробар карда истодаем, сатхи зиндагии моро ба онхо баробар мекунанд. дар мо бошад дар як мох 1 руз хам баред кудакро пурра 140 сомон супоред мегуянд. инсофу инсонгари намондааст.
богчаи мо ракамаш 144, дар махалаи 112-ум.
ЖУРНАЛИСТОНИ МУХТАРАМ, ИМКОНИЯТ БОШАД ДУРУСТИИ ИН НАРХНОМАРО ДИДА БАРОЕД, кори савоб мешавад, дастгирии даххо оила мегардад аз тарафи ШУМО.
Посух додан
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Кудакистони раками 59 нохияи Исмоил сомони 150 сомони чамовари мекунад. Шумо кучоро нигох мекунад. Яку якбора 50 сомон зиед кардану. Назорат вучуд дорад. Ё ин ки назорат алакай вазифаи дигар макомот

Матолиби ҳамсон:


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, хиёбони Саъдии Шерозӣ-16;

Телефон: (+992) 50 20 777 88; (44) 600 10 60;

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!