11 янв 2017 16:41Оcиёи Марказӣ / Тоҷикистон

Ҷилавгирӣ аз таваллуди 718 кӯдаки маъюб дар Тоҷикистон

Вазорати тандурустӣ ва ҳифзи иҷтимоии аҳолии Тоҷикистон мегӯяд, аз таваллуди 718 кӯдаки маъюб дар кишвар ҷилавгирӣ кардаанд.

Саида Умарзода, муовини аввали вазири тандурустӣ ва ҳифзи иҷтимоии аҳолии Тоҷикистон имрӯз, 11 январ зимни нишасти матбуотӣ гуфт, аз ҷумла дар маркази ҷумҳуриявии тиббию генетикӣ 466 зан аз ташхиси фаросавтӣ, 32 зан аз скрининги биохимиявӣ, 29 ҷуфт аз таҳлили мувофиқати гистомӣ ва 40 ҳолати муайян намудани падарӣ гузаронида шудааст. Масъулин мегӯянд, дар аксари ҳолатҳо падарии афроде, ки ҳамсарашонро зери шубҳа қарор медоданд, исбот шуд.

Ба гуфтаи Умарзода дар маҷмуъ аз 226 ҳазору 949 зани ҳомила, ки аз ташхиси ултрасадо гузаронда шуданд, дар 1238 ҳолат нуқсонҳои модарзодии ҷанин дарёфт гардид: “Аз ин шумора дар 718 ҳолат ҳомиладорӣ қатъ карда шуд”.

Ба гуфтаи масъулин фаъолияти Маркази ҷумҳуриявии тиббию генетикӣ барои фароҳам овардани шароити зарурии ташаккули оилаи солим, пешгирии таваллуди кӯдакони маъюби гирифтори нуқсонҳои модарзодии инкишоф ва бемориҳои ирсӣ-авлодӣ нақши муҳим дорад.

Мӯҳр

Хабарҳои монанд:

Шафеъ

Такрибан ним сол пеш, як наздикиро низ зимни ташхис гуфтанд, ки тифли батнаш маъюб аст, бояд искоти хамл карда шавад. Бинобар он ки фарзанди деринтизор буд волидайнаш ба искоти хамл рози нашуданд ва баъд аз чанде писар ба дунё оварданд. Ташхиси баъд аз таваллуд нишон дод, ки тифл комилан солим аст ва ташхиси кабли хато кардааст.
Агар онхо ба маслихати табибон гуш медоданд бояд ин тифл чабран кушта мешуд, хайрият ки накарданд. Ман фикр мекунам волидайн ба хеч вачх бояд чунин ташхисхои кабл аз таваллудро набояд ба инобат гиранд. Табибони имрузи мо хатто ба худи мо диагности дуруст мондан наметавонанд, чи гуна онхо дар батн бемории кудакро муайян мекунанд. Факат ба худо бояд такя кард.

Ҷавоб диҳед Иқтибос Шикоят

Эзоҳ илова кунед