12 янв 2017 16:37Тоҷикистон / Иҷтимоӣ

Раиси ЖКХ: Нархи об дар Тоҷикистон 10% гарон мешавад

Алимурод Тағоймуродов, раиси “Хоҷагии манзилию коммуналии Тоҷикистон” аз болоравии нархи об дар кишвар хабар дод.

Тағоймуродов имрӯз, 12 январ зимни як нишасти матбуотӣ дар Душанбе гуфт, дар назар аст, имсол арзиши як метри мукааб об барои сокинон 10 дарсад боло бурда шавад. Ӯ афзуд, арзиши аслии як метри мукааб об 2,3 сомонӣ аст, вале феълан сокинон 80-90 дирам пардохт мекунанд: “Бино бар ин дар соли 2017 нархи об боло бардошта мешавад”.

Корхонаи воҳиди давлатии “Хоҷагии манзилию коммуналии Тоҷикистон” ки ҳамчун “ЖКХ” маъруф аст, қаблан иттилоъ дода буд, чизе бештар аз нисфи сокинони кишвар ба оби ошомиданӣ дастрасӣ доранд. Алимурод Тағоймуродов, раиси ин корхона 14 январи соли гузашта дар як нишасти хабарӣ гуфта буд, ҳамагӣ 57 дарсади аҳолии кишвар ба оби ошомиданӣ дастрасӣ дорад. Ӯ мегӯяд, барои бо оби ошомиданӣ таъмин кардани 43 дарсади аҳолӣ 2 миллиард доллар лозим аст: “Агар мо ҳар сол 54 ҳазор доллари амрикоӣ аз худ кунем, барои пурра таъмин намудани аҳолӣ ба оби ошомидани 85 сол вақт лозим. Мо ҳамроҳ бо мутахассион ин масъаларо таҳлил карда, ба ҳукумат пешниҳод кардем”.

Мӯҳр

Хабарҳои монанд:

Хакикат

ин чи гуна кор аст находки оброхам киммат кунед магар дар хамон давлате ки бойгари дорад он бояд бо нархи арзон пешкаши ахоли карда шавад охир хуни мардума намемакету халос бо ин хама гароншавихои (свет об андоз ва дигар намуди пардохтхо ) Худованд хайратон дихад

Ҷавоб диҳед Иқтибос Шикоят

Туроб

Акнун чи хел мешуда бошад ман ду тонн турби хиндустони шинондам я турбакакаш се стил об мехурад, турбакома киммат мекунонам манам!

Ҷавоб диҳед Иқтибос Шикоят

Хайрону саргардон

Безор карден кати хами нархбардоритон безор. маошмон барои зиндаги намераса. 200-250 сомон куваи барк мегира. 100 сомомн рохпули мекнем. охи 150 сомонш мемона ордш мехарем.

Ҷавоб диҳед Иқтибос Шикоят

Беном

Ба фикрам вакти ба нафака рохи кардани Тагоймуродов расидааст. Илтимос Чаноби оли, як кадре таъин кунед, ки гами мардумро хурад.

Ҷавоб диҳед Иқтибос Шикоят

Боз киматкуни аз ухдаи менечменти хозиразамон баромада натавонен набошад ба ягон компанияи хоричи бифурушен наход ки рохи халоси факат кимматкуни бошад.Вай 20%-и соли 2016+10%2017=30%шуд ку инсоф кунен чанобон акалан оби медодагитон тоза бошад мардум мегун ки нобуташ лекин пеши кран рафтан ба одамо метарсан.

Ҷавоб диҳед Иқтибос Шикоят

Эзоҳ илова кунед