Рустами Эмомалӣ: Ман сарбозам, куҷое зарур, хидмат мекунам (САДО)
Ӯ 12-уми январ зимни муаррифии кадрҳои навтаъин дар шаҳрдории Душанбе изҳор дошт, ки аз раисиҷумҳур барои боварӣ ба кадрҳои ҷавон ва сазовор донистан ба мақоми раҳбарии пойтахт миннатдор аст: “Ҷаноби Олиро бовар мекунонем, ки тамоми ақлу заковат, имконияту таҷриба ва нерӯи худро барои ободию сарсабзии пойтахти азизамон шаҳри Душанбе равона мекунем”.
Рустами Эмомалӣ афзуд, “бо қатъият изҳор медорам, ки ҳар яки мо, аз ҷумла ман низ сарбози Ватан ҳастем ва ҳар ҷоеро, ки роҳбари муаззами давлат барои роҳбарию фаъолият зарур мешуморанд, ба уҳда мегирем ва ба халқу Ватан, поквиҷдонона бо дасту дилу нияти пок хидмат мекунем”.
Ӯ гуфт, масъулияти навро барои хизмат кардан ба халқу Ватан ба дӯш гирифтааст ва даҳҳо масъала дар пойтахтро зикр кард, ки ба гуфтаи ӯ ҳалталабанд.
Раиси нави Душанбе ваъда дод, ки барои таҳкими амнияти сокинон, тақвияти интизоми ҷавонону наврасон, иҷрои буҷет ва харҷи сарфакоронаю шаффофи он, беҳбуди хизматрасониҳои мусофирбарӣ, маориф ва тандурустӣ, ташкили ҷойҳои нави корӣ ва коҳиши бекорон, мубориза бо қонуншиканӣ, аз ҷумла решакан кардани кирдорҳои коррупсионӣ тамоми нерӯяшро сафарбар хоҳад кард.
Нахустин суханронии Рустами Эмомалӣ ба ҳайси раиси нави Душанбе:
Рустами Эмомалӣ таъкид намуд, ки ҳар масъул сарфи назар аз мақому мартаба вазифадор аст, ки фаъолияти худро на барои додани ҳисобот ва иҷрои расмиёти ҳуҷатгузорӣ, балки сидқан ба ҳалли мушкилоти мардум, таъмини шароити арзандаи зиндагӣ, баррасии саривақтии арзу шикояти шаҳрвандону корафтодагон ба роҳ монад: “Масъулияти ҳар роҳбар аз иҷрои талаботи рӯзафзуни мардум дар самти таъминоти хубтару беҳтари амнияту тартиботи ҷамъиятӣ, таъмини молу маҳсулоти мавриди ниёзи аввал, аз ҷумла таъмини аҳолӣ бо оби тоза, фаъолияти бонизоми нақлиёти мусофирбар, дар фасли зимистон додани гармӣ ва нерӯи барқи доимӣ мебошад”.
Ӯ зикр кард, ки Душанбе калонтарин шаҳри Тоҷикистон мебошад ва инфрасохтори он мутобиқ ба меъёрҳои 40-50 соли пеш, яъне асри гузашта сохта шудааст: “Дар баробари он аҳолии пойтахт сол то сол афзоиш ёфта, имрӯз беш аз 1 миллион нафарро ташкил медиҳад. Ин дар ҳолест, ки шабакаҳои обу коррез, хатҳои барқу алоқа, муассисаҳои маорифу тандурустӣ дар сатҳи аҳолии 400-500 ҳазор нафари солҳои пешӣ боқӣ монда, барои хизматрасонии комил барои сокинони шаҳр нокифоя мебошанд. Мо ва шумо тамоми имкониятҳоро барои ҳалли мушкилот равона кунем”.
Ӯ дар охир изҳори боварӣ намуд, ки агар ҳамаи мо тамоми нерӯю имкониятҳоро барои ҳалли мушкилоти пойтахт муттаҳиду сафарбар намоем, Душанберо ба шаҳри обод, зебо, пешрафта ва намунавӣ табдил медиҳем: “Ҳамаи мо бояд хуб дар ёд дошта бошем, ки як Ватан, як давлат ва як роҳбар дорему татбиқкунандаи як сиёсат мебошем, ки аз ҷониби роҳбарият олӣ муайян карда мешавад”. Мӯҳр
Эзоҳ илова кунед
ХАБАРҲОИ ОХИРИН
Баҳси пурзӯр кардани ҳифзи сарҳади Тоҷикистону Афғонистон дар дидори Э.Раҳмон ва ҳайати парлумони Аврупо10:09Оғози фурӯши смартфонҳои iPhone 8 ва iPhone 8 Plus!09:49БО ЗАБОНИ ШЕЪР: Ман зи андешаи турконаи як ҳамватанам метарсам...15:34Чаро ҳукумат ҳамеша ба ТАЛКО имтиёз медиҳад?14:16“Шантаж”-и ҳамсар: Аз ҳаққи модарӣ даст накашӣ расвоят мекунам10:27Баҳси буҷа: Аз қарзи маош то қарзи хориҷӣ11:57Сарвазири Тоҷикистон бо Президенти Узбакистон мулоқот мекунад11:05Ҳимояти СММ аз cарбози тоҷики пайрави “Шоҳидони Яҳво”, ки либоси низомиро рад кард10:38АКС+ВИДЕО. Нахустин анҷумани маъюбони Тоҷикистон дар Душанбе11:51Маҷлис: Аз тағйироти кадрӣ то ваъдаи 80 мансабдор барои пулдиҳӣ аз кисаи худ15:46100 метр дуртар: Тамокукашӣ маҳдудтар шуд13:21Аз парвандаи Маҳмудов то муроҷиати ҷабрдидагони "7 бурҷ": Роҳкиро надорем (ВИДЕО)11:18Пешниҳоди журналисти тоҷик ба раҳбарони кишварҳои ҷаҳон: 2018-ро соли беяроқӣ эълон кунем!09:33Агентии зидди коррупсия гуфт, “Умед-88” ва Вазорати молия аз “Роғун” қарз гирифтаанд08:01Таърихи имрӯз: Мавлуд, ҷашн, санаҳои таърихӣ, дамои ҳаво, бозори арз07:44
АХБОРИ ҶОЛИБ
10:09, 04 ноябр 2017
ТАҚВИМ
| « Апрел 2024 » | ||||||
|---|---|---|---|---|---|---|
| Душ | Сеш | Чор | Пан | Ҷум | Шан | Якш |
| 1 | 2 | 3 | 4 | 5 | 6 | 7 |
| 8 | 9 | 10 | 11 | 12 | 13 | 14 |
| 15 | 16 | 17 | 18 | 19 | 20 | 21 |
| 22 | 23 | 24 | 25 | 26 | 27 | 28 |
| 29 | 30 | |||||
