16 янв 2017 15:32Тоҷикистон / Сиёсат

Шоҳиён: Ба ҳукми қатл айни ҳол зарурат нест

Шермуҳаммади Шоҳиён, раиси Додгоҳи олии Тоҷикистон мегӯяд, барои татбиқи ҳукми қатл дар кишвар зарурате намебинад.

Ӯ ин нуктаро имрӯз, 16-уми январ дар посух ба суоли “Озодагон” баён дошта, афзуд, “бубинед дар 13-14 соле, ки ҳукми қатл дар кишвар татбиқ намешавад, афзоиши ҷиноятҳои вазнин ва мудҳиш сабт нашудааст”.

Шоҳиён таъкид намуд, ки татбиқи ҳукми қатл масъалаи бисёр ҷиддист. Раиси Суди Олӣ аз дастури Эмомалӣ Раҳмон, раисиҷумҳури Тоҷикистон барои омӯхтани афкори омма дар мавриди ҳукми қатл зикр карда, афзуд, феълан ҳукми қатл мавқуф гузошта шудааст: “Ман фикр мекунам ин мавқеи Тоҷикистон дуруст аст”.

Ин дар ҳолест, ки Юсуф Раҳмон, додситони кулли Тоҷикистон моҳи августи соли 2016 гуфт, ҷонибдори роҳандозии дубораи ҳукми қатл дар кишвар мебошад.

Ӯ изҳор дошт, ки ҳамчун прокурори генералӣ ҷонибдори татбиқи ҳукми қатл нисбати онҳое мебошад, ки ислоҳ намешаванд: “Ҷонибдори татбиқи ҳукми қатли онҳоеям, ки ҷиноятҳои махсусан вазнин-куштори чанд нафар содир мекунанд. Ҷиноятҳои давлатӣ, аз ҷумла қасди табаддулоти давлатӣ мекунанд. Инчунин афроде, ки даст ба амалҳои террористӣ мезананд”.

Юсуф Раҳмон таъкид намуд, ки ин мавқеи шахсии ӯ мебошад ва аз ҷониби дигар Тоҷикистон ҳамчун узви Конвенсияи байналмилалӣ уҳдадориҳои худро дорад.

Ин дар ҳолест, ки феълан панҷ моддаи Кодекси ҷиноии Тоҷикистон ҳукми қатлро пешбинӣ мекунанд, аммо амалан он татбиқ намешавад, зеро Тоҷикистон аз аввали солҳои 2000-ум барои татбиқи ин ҳукм маротория эълон намудааст.

Мӯҳр

Хабарҳои монанд:

Ватандуст

Барои ватани азизамонро дар хавои тенчу ором нигохдоштан мо бояд ба он шахсоне ки хиёнат ба ватан мекунанд ва кушиши ноором сохтани он мекунанд мо бояд хукми катлро чори кунем!

Ҷавоб диҳед Иқтибос Шикоят

шахрванд

Дуруст, зарурат надорад. Тафаккури инсонхо тагйирёбанда аст. Мутафаккиронаказоват кардааст Шермуҳаммади Шоҳиён. Мо дар замони асрхои миёна зиндаги намекунем, ки аксаран инро нафахмем. Донишу фахмиши инсоният аз он чохилиятхо болотар гузаштааст то дарачае.

Ҷавоб диҳед Иқтибос Шикоят

Зоокавбой

Оооо буи гап ки бромад значит мекнанша. Эххххх эххх эххх ба тарафи зоологическая анархия рафтестем. Кани гуманизм???

Ҷавоб диҳед Иқтибос Шикоят

Одил, ш. Душанбе.

Тадбики хукми катл ин чохили нест, ин дарачаи олии гуманизм ва демократия ва тарбия мебошад. Як гунахкорро катл кардаю хазорхо нафари дигарро дар амон гузоштан магар, магар адолат нест? Аз руи инсоф аст, ки касеро, ки садхо миллион суми давлатро тасарруф кардааст, хамаги ба чанд солаке махбасаш созем? Маълум, ки у бо сумхои дуздидааш хам дар махбас ва хам дар амони савлат карда мегардад.
Ман сад дар сад чонибдори Додситони кулл Юсуф Рахмон хастам. Агар хукми катл заруррат намедошт, онро дар демократитарин кишвархои олам Амрико татбик намекарданд.

Ҷавоб диҳед Иқтибос Шикоят

Эзоҳ илова кунед