(САДО) Аҳмадзода дар бораи бинои нави парлумон, ҳукумати шаҳр ва гулгашту фаввораҳо
Кумитаи сохтмон ва меъмории Тоҷикистон мегӯяд, масоҳати бинои нави парлумон беш аз 8 га хоҳад буд.
Ҷамшед Аҳмадзода, раиси кумита имрӯз, 18 январ дар нишасти хабарие дар Душанбе гуфт, бинои нави парлумон дар рӯбарӯи Боғи Рӯдакӣ дар ҷойи бинои шаҳрдорӣ ва Вазорати кишоварзӣ дар назар аст: "Тарҳи сохтмони бинои нави парлумонро таҳия шуда, рӯзҳои наздик ба ҳукумат пешниҳод мекунем. Дар сурати тасдиқ шудан корро сар мекунем".
Моҳи майи соли 2016 Абдуллоҳ ибни Муҳаммад ибни Иброҳим оли Шайх, раиси Маҷлиси Шӯрои шоҳигарии Арабистони Саудӣ дар мулоқот бо Маҳмадсаид Убайдуллоев, раиси Маҷлиси миллии Тоҷикистон, омодагии кишварашро барои маблағгузории бунёди маҷмааи парлумонӣ баён дошта буд.
Раиси Кумитаи сохтмон ва меъморӣ мегӯяд, тибқи нақша дар ҷойи театри тахрибшудаи Маяковский, бинои Ҳукумати шаҳри Душанбе қомат хоҳад афрохт: "Бинои феълии Ҳукумати шаҳри Душанбе хароб мешавад, зеро он солҳои 60-уми асри гузашта сохта шуда, таҳкурсии он мустаҳкам нест. Соли 2000 дар бинои маҷлисгоҳ пули калонро сарф карда, мустаҳкам кардаем. Азнав мустаҳкам кардани бино пули калонро талаб мекунад, беҳтар ин аст, ки мо бинои нав созем ва ин арзон меафтад".
Ин дар ҳолест, ки бино ба иттилои расонаҳо, ҳайати дастгоҳи шаҳрдории Душанбе зери раҳбарии раиси нави он Рустами Эмомалӣ ба бинои пешини раёсати ҷумҳурӣ кӯчидааст.
Ба гуфтаи Ҷамшед Аҳмадзода, бар асоси лоиҳа дар ҷойи бинои Фурушгоҳи марказӣ ё СУМ бинои баландошёнаи маъмурӣ ба нақша гирифта шудааст: “Аз назди бинои нави парлумон то охири театри Лоҳутӣ 53 метр гулгашту фаввораҳо бунёд мешавад”.
Мӯҳр
ТАҚВИМ
« Март 2024 » |
---|
Душ | Сеш | Чор | Пан | Ҷум | Шан | Якш |
---|
| 1 | 2 | 3 |
4 | 5 | 6 | 7 | 8 | 9 | 10 |
11 | 12 | 13 | 14 | 15 | 16 | 17 |
18 | 19 | 20 | 21 | 22 | 23 | 24 |
25 | 26 | 27 | 28 | 29 | 30 | 31 |