“Ба ташхисгоҳи “ДНК”-и Тоҷикистон аз кишварҳои ҳамсоя низ муроҷиат карда истодаанд”
Лабораторияи молекулярӣ-генетикии тиббии судӣ-таҳлили “ДНК”-и инсон дар Тоҷикистон, ки моҳи сентябри соли гузашта ба фаъолият оғоз кард, минбаъд парвандаҳои ҷиноятӣ ва баҳсҳои судии падариву модариро дақиқ хоҳад кард. Дар ин бора Абдусалом Ваҳҳобзода, сардори Раёсати тандурустии вилояти Суғд аснои суҳбат бо журналистон дар нишасти солонааш хабар дода, гуфт, ин дастовард дар соҳаи тиббии судии вилоят на танҳо дар Ҷумҳурии Тоҷикистон, балки дар хадамотҳои тиббӣ-судии давлатҳои ҳамсоя -- Қирғизистон, Узбакистон ва Туркманистон низ аввалин мебошад.
Бино ба иттилои ӯ, ин ташхисгоҳ барои гузаронидани тадқиқоти тиббии судӣ-генетикӣ вобаста ба парвандаҳои ҷиноятӣ оид ба муқаррар намудани мансубияти объектҳои биологӣ ба шахси алоҳида ва идентификатсияи шахсият равона карда шудааст: “Ташхисгоҳи “ДНК”-и инсон бо харҷи 300 ҳазор сомонӣ сохта шуда, имрӯз то ҷое масъалаҳои судии оилаҳоро низ ба танзим даровардааст, ки маблағи муайян кардани падариву модарӣ ҳудуди 4 ҳазор сомонӣ, тадқиқоти тибии судӣ-генетикӣ алайҳи парвандаҳои ҷиноятӣ бошад, наздик 1315 сомониро ташкил медиҳад”.
Ҷаноби Ваҳҳобозода мегӯяд, ташаббускори ин ташхисгоҳ Фурқат Ғаниев буда, бо дастгири ҳукумати вилояти Суғд, Вазорати тандурустии кишвар ва созмонҳои байналхалқӣ ин лабораторияро таъсис додааст: “Аз рўйи маълумоти ман, ба ин ташхисгоҳ на танҳо сокинони кишвар, балки аз кишварҳои ҳамсоя низ муроҷиат карда истодаанд”.
Сардори Раёсати тандурустии вилояти Суғд гуфт, дар баробари ин, соли 2016 дар муассисаҳои тандурустии шаҳру навоҳии вилоят 2 ҳазору 834 номгўй таҷҳизот, аз ҷумла муолиҷавӣ, муоинавӣ ва ёрирасон, ба маблағи умумии 12 миллион сомонӣ харидорӣ ва дастрас карда шудааст, ки аз нақшаи солона 4 маротиба зиёд мебошад.
Мӯҳр
ТАҚВИМ
« Март 2024 » |
---|
Душ | Сеш | Чор | Пан | Ҷум | Шан | Якш |
---|
| 1 | 2 | 3 |
4 | 5 | 6 | 7 | 8 | 9 | 10 |
11 | 12 | 13 | 14 | 15 | 16 | 17 |
18 | 19 | 20 | 21 | 22 | 23 | 24 |
25 | 26 | 27 | 28 | 29 | 30 | 31 |