19 янв 2017 15:44Тоҷикистон / Тема дня

АКС: Пардабардорӣ аз лавҳаи ёдгории Суҳроб Шарифов

Дар шаҳри Душанбе расми гузоштани лавҳаи ёдгории Суҳроб Шарифов, раҳбари пешини Маркази тадқиқоти стратегии назди Президент баргузор шуд.

Дар ин маросим намояндаҳои Маркази тадқиқоти стратегӣ, адибон, журналистон ва пайвандони Шарифов иштирок доштанд. Зимни пардабардорӣ аз лавҳаи ёдгорӣ Сайфулло Сафаров, муовини раиси МТС гуфт, кӯчаи Шаумяни ноҳияи Шоҳмансур, воқеъ дар назди маҳаллаи Гардиши фурудгоҳ расман номи Суҳроб Шариповро гирифт.

14 апрели соли 2016 Маҷлиси вакилони халқи шаҳри Душанбе барои ба номи Шарифов гузоштани номи кӯчаи Шаумян ризоият дода буд.

Шоир Назрӣ Яздон Суҳроб Шарифовро “як сиёсатшиноси дараҷаи ҷаҳонӣ” хонда, гуфт, ӯ ҷасур буд.

Суҳроб Шарипов 19 январи соли 2015, бар асари бемории камхунӣ дар синни 52 дунёро падруд гуфт ва агар марҳум дар қайди ҳайёт мебуданд, 18 апрели соли равон ба синни 53 мерасиданд. Муаллифи ду китоби сиёсатшиносӣ буда, даҳҳо мақолаи илмӣ ба қалами ӯ марбут мебошанд. Дар мансабҳои гуногун, аз ҷумла мудири шӯъбаи сиёсати дохилии Маркази тадқиқоти стратегии раёсатҷумҳурии Тоҷикистон, муовини мудири шӯъбаи иттилоотӣ-таҳлилии Дастгоҳи президент, ёрдамчии раисиҷумҳур ва раиси Маркази тадқиқоти стратегии кишвар кор кардааст. Номзади илмҳои фалсафа ва доктори илмҳои сиёсӣ буд ва дар интихоботи парлумонии 1 марти соли 2015 аз ҷониби Ҳизби халқӣ-демократии Тоҷикистон, ҳизби ҳоким аз ҳавзаи рақами 3-и ноҳияи Шоҳмансури пойтахт ба вакилӣ пешбарӣ шуда буд.

Мӯҳр

Хабарҳои монанд:

Devona

Ruhash shod bod, hakikat tojiki surh bud Mardak.Podhalim nabud

Ҷавоб диҳед Иқтибос Шикоят

Рардаи вокеи

Холо сухан аз парда бардори рафт мачбурам як чизро бигуям.
Ин шахси бо фахм ва сиёсатмадор буданд вале дар як маъракаи 40 солагии ХНИТ иштирок кард ва ба 40 солаги ХНИТ - ро табрик кад баъди ин кораш фавран мариз шуд ва бо итилоъоте ки дорем барои муолачааш маблаги калонтар аз тавонаш талаб кардан табибон

Ҷавоб диҳед Иқтибос Шикоят

Эзоҳ илова кунед