Бахшҳо

(ВИДЕО) Вазири фарҳанг: Раҳбари “Нигоҳ”-ро огоҳ карда будем

Шамсиддин Орумбекзода, вазири фарҳанги Тоҷикистон мегӯяд, нашрияи “Нигоҳ” хилофи якпорчагии кишвар ва арҷгузорӣ ба бузургии инсону шахсиятҳои алоҳида матолиб чоп мекард.

Ҷаноби Орумбекзода имрӯз, 20 январ дар нишасти хабарӣ дар посух ба суоли “Озодагон” дар мавриди далелҳои басташавии нашрияи маъруфи “Нигоҳ” гуфт, онҳо қаблан нисбати баъзе мақолаҳое, ки хилофи ягонагию якпорчагии кишвар ва арҷу эҳтиром нисбат ба бузургии инсону шахсиятҳои алоҳидаи ин нашрия эрод гирифта буданд. Ба гуфтаи вазир роҳбарияти ҳафтанома камбудиҳоро эътироф ва изҳор доштааст, ки минбаъд такрор намешавад: “Вале дар асл корҳои қаблиро идома доданд”.

Шамсиддин Орумбекзода дар идома ба банди баҳсбарангези тағйиру иловаҳо ба қонун “Дар бораи матбуоти даврӣ ва дигар воситаҳои ахбори омма” дахл кард, ки бар асоси он Вазорати фарҳанг метавонист дар асоси пешниҳоди додситонӣ фаъолияти расонаҳоро то се моҳ мутаваққиф кунад. 3 феврали соли 2016 Маҷлиси намояндагон ин меъёрро барои номукамал буданаш бозпас гардонид ва Шукурҷон Зуҳуров, раиси Маҷлиси намояндагон он замон дар ҷаласаи парлумон изҳор дошт, “он меъёрро, ки прокуратура метавонад мавод омода кунад, онро мақомоти баҳисобгиранда пешниҳод намояд ва Вазорати фарҳанг то се моҳ метавонад фаъолияти расонаро мутаваққиф кунад, мо инро қабул накардем”. Аммо вазири фарҳанг дар нишасти имрӯз гуфт, нияти онҳо аз пешниҳоди ин меъёр нек буд ва мехостанд, пеш аз баррасӣ дар мақомоти ҳифзи ҳуқуқ, фаъолияти рӯзнома ва маҷаллаҳоро баррасӣ кунанд, то пеши роҳи басташавии онҳо гирифта шавад: “Вале муҳтарам рӯзноманигорон зидди мо баромада, инро аз ваколати мо берун карданд. Бинобар ин бастани рӯзнома дар доираи ваколати Вазорати фарҳанг нест. Худи роҳбарияти ҳам "Нигоҳ" ҳам “TojNews” расман дар тамоми расонаҳо иттилоъ доданд, ки бо баъзе мушкилоти молиявӣ фаъолияташонро қатъ кардаанд”.



Аз ин пештар масъулини мақомоти тоҷик далели басташавии ҳафтаномаи “Нигоҳ” ва хабаргузории “TojNews”-ро молӣ гуфтанд Аз ҷумла Саида Искандарова, намояндаи Тоҷикистон дар САҲА зимни баҳси фаъолияти расонаҳо дар Вена дар посух ба интиқодҳои Даниел Кислов, мудири хабаргузории "Фергена.ру" гуфт, ки сабаби қатъи ин ду расона молӣ аст. Кислов зимни арзёбии мушкилоти расонаҳои минтақа ҳамчунин аз қатъи фаъолияти "Нигоҳ" ва “TojNews” ёдрас шуд ва гуфт, дастандаркорони ин расонаҳо омили аслии қатъ кардани фаъолияти худро “мавҷуд набудани шароити лозим барои фаъолияти расонаҳо ва журналистика" номиданд. Дар ин робита Нуриддин Қаршибоев, раиси Анҷумани миллии расонаҳои мустақил зимни конфронс гуфт, Прокуратураи генералӣ ба суди ноҳияи Исмоили Сомонӣ барои бастани ин ду расона аризаи даъвогӣ ирсол карда буд.

Аввалин шумораи "Нигоҳ" моҳи декабри соли 2006 ба дасти чоп расид ва он яке аз нашрияҳои маъруфи Тоҷикистон маҳсуб меёфт. Ҳафтаномаи “Нигоҳ” ва хабаргузории “TojNews” моҳи ноябри соли гузашта фаъолияташонро қатъ карданд. Ҳайати эҷодии оҷонсии итилоотии TojNews дар паёми хайрбодияш гуфт, “ин қарор барои мо ва фикр мекунем ҷомеаи огоҳи Тоҷикистон низ ногаҳонӣ нест. Мо интизор доштем, ки баъди аз чоп мондани нашрияи “Нигоҳ” навбати мо мерасад. Ҳамчунон, ки навбати як-ду расонаи мустақили боқимонда низ хоҳад расид. Сабабаш ҳам маълум: дигар дар Тоҷикистон шароити лозим барои фаъолияти расонаи мустақил ва журнализми озод мавҷуд намебошад. Умедворем ин вазъ абадӣ нахоҳад монд”.

Ҳайати эҷодии хабаргузорӣ эълон карда буд, ки тибқи қарори созмони ҷамъиятии “ИНДЕМ” аз ин ба баъд бойгонии Ожонси иттилоотии TojNews моли миллат маҳсуб шуда, истифодаи маводи ҳамаи бахшҳои он, минҷумла тарҳҳои хоса бидуни риояи ҳуқуқҳои муаллифӣ муҷоз аст.

"TojNews" моҳи сентябри соли 2009 ба фаъолият оғоз карда, 14-уми ноябри соли 2016 аз қатъи фаъолияташ хабар дод.

Мӯҳр
Эзоҳ илова кунед
Номи шумо:
Почтаи электронии шумо:
  • bowtiesmilelaughingblushsmileyrelaxedsmirk
    heart_eyeskissing_heartkissing_closed_eyesflushedrelievedsatisfiedgrin
    winkstuck_out_tongue_winking_eyestuck_out_tongue_closed_eyesgrinningkissingstuck_out_tonguesleeping
    worriedfrowninganguishedopen_mouthgrimacingconfusedhushed
    expressionlessunamusedsweat_smilesweatdisappointed_relievedwearypensive
    disappointedconfoundedfearfulcold_sweatperseverecrysob
    joyastonishedscreamtired_faceangryragetriumph
    sleepyyummasksunglassesdizzy_faceimpsmiling_imp
    neutral_faceno_mouthinnocent
ХАБАРҲОИ ОХИРИН
Баҳси пурзӯр кардани ҳифзи сарҳади Тоҷикистону Афғонистон дар дидори Э.Раҳмон ва ҳайати парлумони Аврупо10:09Оғози фурӯши смартфонҳои iPhone 8 ва iPhone 8 Plus!09:49БО ЗАБОНИ ШЕЪР: Ман зи андешаи турконаи як ҳамватанам метарсам...15:34Чаро ҳукумат ҳамеша ба ТАЛКО имтиёз медиҳад?14:16“Шантаж”-и ҳамсар: Аз ҳаққи модарӣ даст накашӣ расвоят мекунам10:27Баҳси буҷа: Аз қарзи маош то қарзи хориҷӣ11:57Сарвазири Тоҷикистон бо Президенти Узбакистон мулоқот мекунад11:05Ҳимояти СММ аз cарбози тоҷики пайрави “Шоҳидони Яҳво”, ки либоси низомиро рад кард10:38АКС+ВИДЕО. Нахустин анҷумани маъюбони Тоҷикистон дар Душанбе11:51Маҷлис: Аз тағйироти кадрӣ то ваъдаи 80 мансабдор барои пулдиҳӣ аз кисаи худ15:46100 метр дуртар: Тамокукашӣ маҳдудтар шуд13:21Аз парвандаи Маҳмудов то муроҷиати ҷабрдидагони "7 бурҷ": Роҳкиро надорем (ВИДЕО)11:18Пешниҳоди журналисти тоҷик ба раҳбарони кишварҳои ҷаҳон: 2018-ро соли беяроқӣ эълон кунем!09:33Агентии зидди коррупсия гуфт, “Умед-88” ва Вазорати молия аз “Роғун” қарз гирифтаанд08:01Таърихи имрӯз: Мавлуд, ҷашн, санаҳои таърихӣ, дамои ҳаво, бозори арз07:44
ТАҚВИМ
«    Март 2024    »
ДушСешЧорПанҶумШанЯкш
 123
45678910
11121314151617
18192021222324
25262728293031
БОЙГОНӢ
Ноябр 2017 (5)
Октябр 2017 (192)
Сентябр 2017 (257)
Август 2017 (314)
Июл 2017 (301)
Июн 2017 (269)