30 янв 2017 14:00Тоҷикистон / Иҷтимоӣ / Тема дня

Даъвати IRS ба ҳамдигарфаҳмӣ: Аз сафар худдорӣ кунед

«IRS»-ширкати роҳбон дар масири “Душанбе-Чаноқ” бо зикри талафотӣ ҷонӣ ва барфрезии бесобиқа дар ин хатсайр аз сокинони кишвар даъват намудааст, ки муваққатан аз сафар бо ин роҳ худдорӣ кунанд.

Ин ширкат имрӯз, 30-юми январ бо пахши як иттилоия гуфтааст, “аз он ки офатҳои табиӣ боиси аз ҳаёт маҳрум шудани чанд ҳамватанамон гардид, сахт андӯҳгинем ва мусибати онҳоро мусибати худ медонем. Бинобар ин, шаҳрвандонро мебояд ба рух додани ҳолатҳое, ки ҳаводиси табиӣ маҳсуб мешаванд, бо ҳисси ҳамдигарфаҳмӣ муносибат намоянд ва ба корҳои амалишуда баҳои холисона диҳанд”.

Тибқи иттилои «IRS» шурӯъ аз 28 январ бар асари боришоти аз меъёр зиёди барф, аз километри 48 то 73-юми роҳи Душанбе – Чанок зиёда аз 50 тармаи баландиашон зиёда аз 10 метр фаромадаанд: “Зиёда аз 30 техникаи пуриқтидори филиали Ширкати «IRS» дар ин қисмат беист фаъолият доранд ва тавонистанд дирӯз шабона ҳаракати нақлиётро таъмин кунанд. Мутаассифона, имрӯз низ боришоти шадид ва тармафароӣ идома ёфта, дар километрҳои 65 ва 69 тармаҳои калонҳаҷм фаромада, ҳаракати нақлиётро қатъ намуд. Айни замон техникаҳои пуриқтидор ба макони офат сафарбар шуда, бартарафсозии тармаҳо босуръат идома дорад”.

Ин ширкат ба далоили амниятӣ ва халал нарасондан ба роҳтозакунӣ аз сокинон даъват намудааст, ки аз сафар дар масири Душанбе-Чаноқ худдорӣ кунанд.
Мақомоти Тоҷикистон мегӯянд, то ҳол дар роҳи Душанбе-Чаноқ 5 ҷасади мусофиронро аз зери тарма берун овардаанд ва кофтукоб идома дорад.

Мӯҳр

Хабарҳои монанд:

вп

Хамон шлангбаума махкам кунед, касе сафар намекунад. Лекин пул ширин, пула те чор тарафат кибла.

Ҷавоб диҳед Иқтибос Шикоят

Тчк

Дар фасли сармо ин рох ба рохи Марг табдил меебад. О намешавад, ки чун дар давраи шурави авиатсияи дохилиро инкишоф дихем, то ки мардуми бечора бе тарси чон сафар кунад!? Дар замони шурави кариб ба. тамоми нохияхо тайераву чархболхо бо нархи хеле арзон парвоз мекарданд. Макомоти дахлдор бояд дар ин мавзуъ фикр кунанд. Ва сафари мошинхои хурд дар зимистон бо ин рох тамоман манъ карда шавад.

Ҷавоб диҳед Иқтибос Шикоят

АХМАДЗОДА

ураааа агар то 10 -ум хамин хел бошад мани студент ва яхели дига студентхо самалет савор мешем

Ҷавоб диҳед Иқтибос Шикоят

Донишчу

Аз макомотхои дахлдор хохиш мекунем, ки нархи чиптахоро назорат кунанд чунки аллакай 100сомони кимат шудааст

Ҷавоб диҳед Иқтибос Шикоят

Эзоҳ илова кунед