Фурӯши Хоҷаобигарм, "Тоҷиксемент" ва собиқ корхонаи Зайду Фирташ
Кумитаи сармоягузорӣ ва идораи амволи давлатии Тоҷикистон азм дорад, се корхонаи машҳури кишвар - “Тоҷиксемент”, осоишгоҳи Хоҷаобигарм ва корхонаи дузандагии “Гулистон”-ро фурӯшад. Дар ин бора Анвар Наҷмиддинзода, муовини раиси Кумитаи сармоягузорӣ ва идораи амволи давлатӣ имрӯз, 30-юми январ дар нишасти матбуотӣ иттилоъ дод.
ҶСП “Гулистон”, ки дар гузашта ба соҳибкори зиндонии тоҷик Зайд Саидов ва тоҷири укроинӣ Дмитрий Фирташ тааллуқ дошт, ба гуфтаи Наҷмиддинзода ба ҷамъияти саҳомии кушодаи “Гулистони Душанбе” табдили ном карда, ба тавозуни давлат гузаронда шуд.
Ноиби раиси Кумитаи сармоягузорӣ гуфт, ин корхона дар назди "Амонатбонк"-у "Фононбонк" қарздор аст ва давлат ду бор талош кардааст, “Гулистони Душанбе”-ро бифурӯшад. Ҷаноби Наҷмиддинзода афзуд, моҳи сентябри соли 2016 ва баъдан моҳи январи соли 2017 корхонаи мазкур ба фурӯш гузошта шуд, аммо касе ҳозир нашуд, онро бихарад: “Харидорон таваҷҷуҳ накарданд”.
Масъулини Кумитаи сармоягузорӣ ва идораи амволи давлатӣ гуфтанд, талош мекунанд, “Гулистони Душанбе”, "Тоҷиксемент" ва Хоҷаобигармро соли равон ё дар солҳои наздик бифурӯшанд.
Додгоҳи иқтисодии шаҳри Душанбе қаблан корхонаи дузандагии “Гулистон”-ро, ки 95 дарсади саҳмияҳояш ба Дмитрий Фирташ, миллиардери укроинӣ ва 5 дарсадаш ба Хайруллоҳ Саидов, писари бузурги Зайд Саидов тааллуқ дошт, ба фоидаи давлат мусодира карда буд.
Мӯҳр
ТАҚВИМ
« Апрел 2024 » |
---|
Душ | Сеш | Чор | Пан | Ҷум | Шан | Якш |
---|
1 | 2 | 3 | 4 | 5 | 6 | 7 |
8 | 9 | 10 | 11 | 12 | 13 | 14 |
15 | 16 | 17 | 18 | 19 | 20 | 21 |
22 | 23 | 24 | 25 | 26 | 27 | 28 |
29 | 30 | |