01 фев 2017 13:31Тоҷикистон / Иқтисодӣ

Афзоиши фоизҳои Бонки миллӣ ва пешниҳоди қарзҳои якрӯза

Бонки миллии Тоҷикистон фоизи қарзҳояшро барои бонкҳои кишвар 12,5 фоиз муқаррар карда, барои бори нахуст ба ташкилоти молиявӣ қарзҳои якрӯзаро пешниҳод намудааст.

Тавре дафтари матбуоти Бонки Миллии Тоҷикистон имрӯз, 1-уми феврал иттилоъ дод, меъёри бозтамвил дар кишвар 1,5 фоиз боло рафта, ба 12,5 фоиз баробар шудааст, ки нисбати нишондоди моҳи феврали соли гузашта 4,5 дарсад бештар мебошад.

Бонки Миллӣ шарҳ додааст, ки сатҳи таваррумро дар соли равон дар доираи 7 фоизи солона пешбинӣ кардааст ва меъёри бозтамвил бо назардошти хатарҳои берунӣ боло бурда шудааст: “Бахусус идомаёбии номуайянии вазъи иқтисодию молиявӣ ва геосиёсӣ, инчунин устувор гардидани қурби доллари ИМА дар миқёси ҷаҳон, эҳтимоли пайдо гардидани фишорҳои беруниро ба сатҳи нархҳои воридшаванда бо дарназардошти зиёд будани ҳиссаи молҳои воридотӣ дар сабади истеъмолӣ, ба вуҷуд оварад”.

Инчунин Бонки Миллӣ аз роҳандозии қарзҳои якрӯза хабар дод, ки барои ҳисоббаробаркуниҳо ба бонкҳои ниёзманди кишвар ироа мегарданд: “Кумитаи сиёсати пулию қарзии Бонки миллии Тоҷикистон қарорро доир ба ҷорӣ намудани фишанги нави сиёсати монетарӣ, амалиёти кӯтоҳмуддати бозтамвил – қарзи шабонарӯзӣ (овернайт) ва муқаррар намудани меъёри фоизии фишанги мазкур дар сатҳи ҷамъ +4,0 банди фоизӣ ба тасвиб расонид”.

Бонки Миллӣ ҳадафи қарзҳои “овернайт”-ро таъмини самаранокии сиёсати пулию қарзӣ, дастгирии ташкилотҳои қарзӣ ва мусоидат ба фаъолияти самаранок ва мунтазами низоми пардохтҳо арзёбӣ кардааст: “Ҳамчун воситаи қарзии доимамалкунанда пешниҳоди қарзҳои шабонарӯзӣ (овернайт) ба ташкилотҳои қарзӣ имконият медиҳад, ки норасоии пардохтпазирии дар давоми рӯз ҳангоми ҳисоббаробаркунии пардохтҳо ба вуқуъояндаро дарёфт ва рӯйпӯш намоянд ва ҳамзамон меъёрҳои фоизии кӯтоҳмуддати бозори байнибонкӣ ба танзим дароварда шаванд”.

Мӯҳр

Хабарҳои монанд:

шахрванд

Ачиб, Пешвои миллат дар Паёми имсола гуфтанд, ки зик нашавед, пулхоятонро мегиред. Хуб, рахмат. Аммо Агроинвестбонк пулхои моро, ки доллар дода будем, бо сомони бо фоизи паст, яъне, нисбати он ки дар фуруршгоххои давлати-бонки долларро мефуруршанд, боз мегардорад, барои чи, нафахмидам. Ин ба замми он аст, ки мо шаш мешавад, пулхоямонро истифода бурдаанд, ба чои за моральный ущерб фоиз доданашон. Ба гайр аз ин пулро кисм-кисм карда медиханд, ки бебаракат мешавад. Кормандони занхои гулбанозашон бошад, он кадар дагал бо одамон гап мезананд, ки аз пулат безор мешави, ба Худо.

Ҷавоб диҳед Иқтибос Шикоят

адл

ана инро сиёсати бонки меган. инро тарзи дастгири меган. дар бонк ки пул намонд ба фоиза баланд мекунану меган мархамат. ин аз паёми раиси чумхури хело тачриба кардан

Ҷавоб диҳед Иқтибос Шикоят

Эзоҳ илова кунед