Русский  >>  فارسی  >>  Панҷшанбе 25 май 2017, 21:19

Ҳалокати 2 тоҷикистонӣ дар садамаи пурқурбонии Маскави нав (ВИДЕО)

2 феврал 2017, 13:50

Cафорати Тоҷикистон дар Маскав аз қавли Вазорати ҳолатҳои фавқулодаи Русия иттилоъ дод, ки миёни ҳалокшудагон дар пайи бархӯрди УАЗ ва Тойота 2 нафар тоҷикистонӣ будаанд.

Тавре аз сафорати Тоҷикистон ба "Озодагон" иттилоъ доданд, то ҳол ҳалокати ду тоҷикистонӣ дар садама дақиқ шудааст: "Инҳо Кузиев Эркинҷони 35-сола аз Чкаловск ва Сакизов Бахтиёри 30-сола аз Хуросон мебошанд. То ҳол шахсияти 5 нафари ҳалокшуда маълум гардида, муайянсозии ҳуввияти се нафари дигар идома дорад. Сафорат барои муайянсозии шахсият ва таҳқиқи ҳодиса бо мақомоти Русия ҳамкорӣ карда истодааст”.

Бархӯрди Тойота бо УАЗ, ки соати 16:00-и 1-уми феврал дар шоҳроҳи Варшавскоеи минтақаи Маскави нав рух додаст, ҳадди ақал 8 кушта ва 4 маҷруҳ барҷой гузоштааст.

Тибқи иттилои мақомоти Русия дар пайи бархӯрди шадид УАЗ, ки ҳомили муҳоҷирон аз Осиёи Миёна будааст, оташ гирифтааст ва мусофирон дар дохил дармондаанд: “Ҷасади сӯхтаи мусофирон аз УАЗ берун шудааст”.

Расонаҳои русӣ мегӯянд, миёни ҳалокшудагон шаҳрвандони Русия, Қирғизистон, Узбакистон ва Тоҷикистон мебошанд.

Мақомоти Русия гунаҳкори ин садама ронандаи 22-солаи Тойотаро медонанд, ки бо суръати баланд ба хатти муқобили ҳаракат баромадаст: “Феълан алайҳи ӯ парванда боз шуда, тафтишот идома дорад”.




Шарҳи худро бинависед:

Ном:*
E-Mail:
Матни шарҳ:

Матолиби ҳамсон:

Бойгонӣ

«    Май 2017    »
ДушСешЧорПанҶумШанЯкш
1234567
891011121314
15161718192021
22232425262728
293031 


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, хиёбони Саъдии Шерозӣ-16;

Телефон: (+992) 50 20 777 88; (44) 600 10 60;

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!