“Tcell” мизбони нахустин шоми “PechaKucha” дар Душанбе
Душанбе яке аз 968 шаҳре муаррифӣ шуд, ки “PechaKucha” баргузор мешавад. “PechaKucha” – ҳаракати байналмилалии инсонҳои эҷодкор аст, ки дар муддати кутоҳ муаррифиномаи худро ба ҷомеа шинос менамоянд.
Аввалин шоми “PechKucha” дар идораи расмии ширкати “Tcell” баргузор гардид ва ба иштирокчиён имкон фароҳам овард, то дар муҳити дӯстона ва эҷодӣ бо якдигар суҳбат намоянд.
“PechaKucha” тар тарҷумаи таҳтулафзии тоҷикӣ аз ҷопонӣ “гап-гапи беҳуда” аст. Бори аввал чунин чорабинӣ соли 2003 дар Ҷопон баргузор шуд. Мубтакирон ҳадафи асосии онро гирди ҳам овардани меъморон ва лоиҳакашони ҷавон гуфтанд, ки бо ин тариқ тавонанд худро шиносонанд. Дар муддати кутоҳ ин чорабинӣ дар ҷаҳон маъмул гашт ва ҳоло 968 шаҳр онро доир мекунад.
Дар “Pechakucha” иштирокчиён дар 20 саҳифа дар бораи эҷодиёташон маълумот медиҳанд. Барои муаррифӣ ҳамагӣ 6 дақиқаву 40 сония вақт дода мешавад.
Дар Тоҷикистон ширкати “Tcell” мубтакири гузаронидани шоми “PechaKucha” дар Душанбе буд. Кормандони ширкат ба ҷавонони лаёқатманд ва эҷодкор имконият фароҳам оварданд, ки кори худро муаррифӣ созанд. Азиз Темуров дар мавриди лоиҳаи “Китобхонаи зинда”, Ситора Юсуфбекова дар бораи теъдоди тоҷикистониёне, ки имкон доранд ба кайҳон сафар намоянд, суҳбат карданд. Ҳаммин тавр 5 нафари дигар низ вобаста ба мавзӯъҳои мухталиф муаррифии худро пешниҳод сохтанд.
Мӯҳр
ТАҚВИМ
« Апрел 2024 » |
---|
Душ | Сеш | Чор | Пан | Ҷум | Шан | Якш |
---|
1 | 2 | 3 | 4 | 5 | 6 | 7 |
8 | 9 | 10 | 11 | 12 | 13 | 14 |
15 | 16 | 17 | 18 | 19 | 20 | 21 |
22 | 23 | 24 | 25 | 26 | 27 | 28 |
29 | 30 | |