Русский  >>  فارسی  >>  Душанбе 21 август 2017, 02:01

Нигаронии Остона аз ҳарфҳои вакили Думаи Русия

3 феврал 2017, 09:21

Масъулини Вазорати умури хориҷии Қазоқистон дар робита ба суханҳои вакили Думаи давлатӣ, ки гуфт, "аз ҳаққи ҳамватанони худ бояд дар саросари дунё, аз ҷумла дар Қазоқистон ҳимоят кунем", ба ҳамтоёни русашон муроҷиат кардаанд.

Ин суханҳои Павел Шперов, узви кумитаи Думаи давлатӣ оид ба умури Иттиҳоди Давлатҳои Мустақил, ҳамгироии Авруосиё ва робита бо ҳамватанон 26 январ дар як мизи мудаввари порлумони Русия садо доданд.

ВКХ Қазоқистон гуфтааст, бо ташаббуси ҷониби Остона муовини вазири умури хориҷии ин кишвар Мухтор Тлеубердӣ бо ҳамтои русаш Григорий Карасин телефонӣ суҳбат кардааст: "Ҷонибҳо тасдиқ карданд, ки муносибатҳои Остонаву Москва бар пояи қарордоди ҳусни ҳамсоядорӣ, иттиҳодӣ ва созишнома дар бораи марзи давлатии Қазоқистону Русия ба роҳ монда шудааст".

"Дар суханҳои вакил Шперов иддаои ҳудудӣ нисбат ба Қазоқистон эҳсос мешавад ва муроҷиати ВКХ Қазоқистонро ҷониби Русия ҷиддӣ қабул кард", - меафзояд манбаъ.

Ба иттилои хабаргузори "Интерфакс", Леонид Слутский, раиси Кумитаи умури байналмилалии Дума гуфт, "Москва ҳеч гоҳ масъалаи баргардонидани заминҳои Қазоқистонро ба ҳайати Русия баррасӣ накардааст".



Шарҳи худро бинависед:

Ном:*
E-Mail:
Матни шарҳ:

Матолиби ҳамсон:


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, хиёбони Саъдии Шерозӣ-16;

Телефон: (+992) 50 20 777 88; (44) 600 10 60;

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!