06 фев 2017 11:20Тоҷикистон / Иқтисодӣ / Видео / Тема дня

(ВИДЕО) Суғуртаи ҳаёти Қаҳҳор Маҳкамов то ҳол пардохт нашудааст

Аловиддин Сатторӣ, раиси ширкати “Тоҷиксуғурта” мегӯяд, то ҳол маблағи суғуртаи ҳаёти Қаҳҳор Маҳкамов, раисиҷумҳури пешин ва узви Маҷлиси Миллии Тоҷикистон пардохт нашудааст.

Сатторӣ имрӯз, 6-уми феврал зимни нишасти матбуотӣ дар Душанбе гуфт, хаттӣ ба Маҷлиси Миллӣ дар масъалаи пардохти суғуртаи ҳаёти Қаҳҳор Маҳкамов дархост равон кардаанд, аммо посух нагирифтаанд: “Аз ҷониби наздикони Маҳкамов низ барои пардохти маблағи суғурта дархост ворид нашуд. Агар муроҷиат кунанд, маблағи суғурта пардохт хоҳад шуд”.

Сатторӣ ҳаҷми суғуртаро муодили 8 маоши марҳум арзёбӣ кард.

Ба гуфтаи масъулин барои Қаҳҳор Маҳкамов ҳамчун раисиҷумҳури собиқ суғурта пардохт намешавад: “Суғуртаи ҳаёт дар замони фаъолияти президентӣ пардохт мешавад”.

Ба гуфтаи Сатторӣ раисиҷумҳур ва тамоми таҷҳизоте, ки дар хидматаш қарор доранд, бо суғурта фаро гирифта шудаанд.

Қаҳҳор Маҳкамов 8 июни соли 2016 дар синни 84-солагӣ дар шаҳри Душанбе даргузашт. Ӯ моҳи ноябри соли 1990, баъд аз фурӯпошии Шӯравии собиқ, президенти нахустини Тоҷикистон интихоб шуда, соли 1991 ба истеъфо рафт.

Мӯҳр

Хабарҳои монанд:

Ғиждалобод

- Худораҳматиро пеш аз мурданаш дар як "мусоҳиба" журналист пурсид: Қаҳҳор Махкамович дар Тоҷикистон коррупсия вуҷуд дорад?..
- Махкамов ҷавоб дод:
-Ҳамин масъалая омӯхтагим не.. Мардака боақлияша бинед
Ба миллат як хизмати хуб кард, мурд...

Ҷавоб диҳед Иқтибос Шикоят

Сафар

Ба намояндагони Гиждалобод мегуям Он чи ки аён аст хочат ба ьаён нест.

Ҷавоб диҳед Иқтибос Шикоят

Точиксугурта

КВД «Тоиксуѓурта» вобаста ба пардохти маблаѓи суѓуртавии собиќ узви Мачлиси Миллии Мачлиси Олии Чумхурии Точикистон мархум Ќаххор Махкамов чунин иттилоъ медихад:
Мутобиќи санадхои меъёрию хукуќии сохаи суѓурта дар холати рўй додани ходисаи суѓуртави ба узви Мачлиси Миллии Мачлиси Олии Чумхурии Точикистон, ки ба хаёт ва саломатиаш зарар расидааст ба таври хатти бо ариза ва дар холати фавт бошад аз чониби меросхур ё масъулини чойи кор дар мухлати муќаррарнамуда ба унвонии ташкилоти суѓуртави мурочиат менамояд.
Бояд изхор намуд, ки аз чониби Дастгохи Мачлиси Миллии Мачлиси Олии Чумхурии Точикистон санаи 16 феврали соли 2017 хуччатхои зарури ба КВД «Точиксуѓурта» пешниход гардида, пардохти маблаѓи суѓуртави аз чониби КВД «Точиксуѓурта» амали карда шуд.
Дар санаи 6 феврали соли 2017 дар иштироки намояндагони воситахои ахбори омма, ќайд намудани рохбарияти Корхона оид ба ирсол намудани мурочиати хатти ба Мачлиси миллии Мачлиси Олии Чумхурии Точикистон сахв мебошад.

Ҷавоб диҳед Иқтибос Шикоят

Эзоҳ илова кунед