07 фев 2017 08:10Тоҷикистон / Дуруст бинависем / Фарҳангу адаб

“Кёрлинг”-ро чӣ бигӯем: “Керлинг”, “курлинг” ё “сангсуронӣ”?

Кёрлинг яке аз бозиҳои Олимпики зимистонӣ аст ки дар он ду гуруҳи чаҳорнафара сангҳои бузургу гирду сайқалии вижаеро бар рӯи масире яхӣ ба сӯи хонаҳое дар поёни замини бозӣ сур медиҳанд ё месуронанд.

Чанде пеш дар яке аз расонаҳои тоҷикӣ дидам ки номи ин варзишро “керлинг” навиштаанд. Дар Эрон ин бозиро “курлинг” меноманд, вале Фарҳангистони забону адаби форсӣ “яхсанг”-ро баробараш ниҳодааст. Он дар пайравӣ аз номи бозиҳои маҳаллии Эрон сохта шуда, ки бо канори ҳам гузоштани афзорҳои он бозӣ сохта мешаванд, монанди шакарпанир, шоҳвазир ва шоҳдуздвазир, шамъгулпарвона, говгӯсола ва болобаландӣ. Ин равиш дар дигар забонҳо низ роиҷ аст. Барои намуна, бозие ки дар Эрон “санг-коғаз-қайчӣ” номида мешавад, дар инглисӣ “Rock-paper-scissor” ва дар русӣ “Камень, ножницы, бумага” ном дорад. Вале ин равиши номгузорӣ дар миёни тоҷикон камтар роиҷ аст. Аз ин рӯ, “яхсанг” барои мо гунг аст. Аз дигар сӯ, дар илми конишиносӣ яхсанг криолитро ҳам меноманд ки яке аз кониҳои камёб аст. Бо таваҷҷуҳ ба ин мавридҳо ва таърифе ки аз “кёрлинг” болотар овардем, ин бозиву варзишро метавон “сангсуронӣ” номид. Сангсуронӣ аз ду вожа сохта шудааст: санг + суронӣ аз сурондан, яъне чизеро рӯи замин ё сатҳе дигар лағжондану ба сӯи пеш бурдан.

Умед Ҷайҳонӣ

Мӯҳр

Хабарҳои монанд:

Саид

Надошта бошем сохтан даркор. Сангсуронй нашавад, сангчарронй гуед.

Ҷавоб диҳед Иқтибос Шикоят

Хабиб

Чаро не? Чанде кабл дар чое хондам, ки "писсуар"-ро "ростмезак" тарчума кардаанд, керлинг чаро сангсуррони ё ин ки санггуррони набошад*)))

Ҷавоб диҳед Иқтибос Шикоят

Домоди нав

Калимаи сангсуронӣ расо, мувофиқ. Керлинг ва кунлинг хандаовар))

Ҷавоб диҳед Иқтибос Шикоят

Muhojir

Санглағжонӣ behtar nest? Farhangistoni azizi mo kalimai "sur"-ro ba juz tuyu sur boz chi meguyad? Sur, surondan kujoist?

Ҷавоб диҳед Иқтибос Шикоят

Умед Ҷайҳонӣ

Киё Muhojir,
Сур ба маънии ҷашни ҳамсаргузинӣ ё базму меҳмонӣ ба хатти форсӣ «سور», вале сурондан «سراندن» навишта мешавад. Яъне сур бо вов ва сурондан бе вов навишта мешавад ва талаффузашон ҳам яксон нест. У дар сур дарозу кашида аст ва дар сурондан кӯтоҳ.
Сангсуронӣ дар гуфтор равонтар аз санглағжонӣ аст.

Ҷавоб диҳед Иқтибос Шикоят

шахованд

Кёрлинг бигуед, чӣ бадӣ дорад?

Ҷавоб диҳед Иқтибос Шикоят

Эзоҳ илова кунед