Русский  >>  فارسی  >>  Ҷумъа 23 феврал 2018, 15:40

“Кёрлинг”-ро чӣ бигӯем: “Керлинг”, “курлинг” ё “сангсуронӣ”?

7 феврал 2017, 08:10

Кёрлинг яке аз бозиҳои Олимпики зимистонӣ аст ки дар он ду гуруҳи чаҳорнафара сангҳои бузургу гирду сайқалии вижаеро бар рӯи масире яхӣ ба сӯи хонаҳое дар поёни замини бозӣ сур медиҳанд ё месуронанд.

Чанде пеш дар яке аз расонаҳои тоҷикӣ дидам ки номи ин варзишро “керлинг” навиштаанд. Дар Эрон ин бозиро “курлинг” меноманд, вале Фарҳангистони забону адаби форсӣ “яхсанг”-ро баробараш ниҳодааст. Он дар пайравӣ аз номи бозиҳои маҳаллии Эрон сохта шуда, ки бо канори ҳам гузоштани афзорҳои он бозӣ сохта мешаванд, монанди шакарпанир, шоҳвазир ва шоҳдуздвазир, шамъгулпарвона, говгӯсола ва болобаландӣ. Ин равиш дар дигар забонҳо низ роиҷ аст. Барои намуна, бозие ки дар Эрон “санг-коғаз-қайчӣ” номида мешавад, дар инглисӣ “Rock-paper-scissor” ва дар русӣ “Камень, ножницы, бумага” ном дорад. Вале ин равиши номгузорӣ дар миёни тоҷикон камтар роиҷ аст. Аз ин рӯ, “яхсанг” барои мо гунг аст. Аз дигар сӯ, дар илми конишиносӣ яхсанг криолитро ҳам меноманд ки яке аз кониҳои камёб аст. Бо таваҷҷуҳ ба ин мавридҳо ва таърифе ки аз “кёрлинг” болотар овардем, ин бозиву варзишро метавон “сангсуронӣ” номид. Сангсуронӣ аз ду вожа сохта шудааст: санг + суронӣ аз сурондан, яъне чизеро рӯи замин ё сатҳе дигар лағжондану ба сӯи пеш бурдан.

Умед Ҷайҳонӣ


Шарҳи худро бинависед:

Ном:*
E-Mail:
Матни шарҳ:
Посух додан
  • Саид

  • 7 феврал 2017 13:26
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Надошта бошем сохтан даркор. Сангсуронй нашавад, сангчарронй гуед.
Посух додан
  • Хабиб

  • 7 феврал 2017 15:42
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Чаро не? Чанде кабл дар чое хондам, ки "писсуар"-ро "ростмезак" тарчума кардаанд, керлинг чаро сангсуррони ё ин ки санггуррони набошад*)))
Посух додан
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Калимаи сангсуронӣ расо, мувофиқ. Керлинг ва кунлинг хандаовар))
Посух додан
  • Muhojir

  • 7 феврал 2017 21:24
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Санглағжонӣ behtar nest? Farhangistoni azizi mo kalimai "sur"-ro ba juz tuyu sur boz chi meguyad? Sur, surondan kujoist?
Посух додан
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Киё Muhojir,
Сур ба маънии ҷашни ҳамсаргузинӣ ё базму меҳмонӣ ба хатти форсӣ «سور», вале сурондан «سراندن» навишта мешавад. Яъне сур бо вов ва сурондан бе вов навишта мешавад ва талаффузашон ҳам яксон нест. У дар сур дарозу кашида аст ва дар сурондан кӯтоҳ.
Сангсуронӣ дар гуфтор равонтар аз санглағжонӣ аст.
Посух додан
  • шахованд

  • 10 феврал 2017 09:22
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Кёрлинг бигуед, чӣ бадӣ дорад?

Матолиби ҳамсон:


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, хиёбони Саъдии Шерозӣ-16;

Телефон: (+992) 50 20 777 88; (44) 600 10 60;

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!