10 фев 2017 10:50Тоҷикистон / Сиёсат / Тема дня

Кӯмакхоҳии хоҳари Гадоев аз Президент: Аз фишорҳо халосамон кунед

Занҷирамоҳ Гадоева, хоҳари Шарофиддин Гадоев, узви созмони мамнӯи “Гуруҳи 24” аз Эмомалӣ Раҳмон, раисиҷумҳури Тоҷикистон хоҳиш дорад, барои таъмини ҳаёти осоишта ба ӯ ва хонаводааш кӯмак кунад.

Гадоева имрӯз, 10 феврал бо “Озодагон” дар тамос шуда, шикоят кард, ки мақомот дар баробари бастани дӯконашон дар бозори ноҳияи Фархор имрӯз мехоҳанд борашонро бигиранд: “Мегӯянд, шумо ҳаққи кор надореду гапатон дар ҳеч куҷо намегузарад”.

Ӯ афзуд, ҳанӯз 25 сол қабл аз хонаи падараш берун шуд ва дӯкон моли шавҳараш мебошад: “Ман 5 кӯдак дорам, ки як нафараш бемори вазнин аст. Худам низ дар натиҷаи фишорҳо бемори саратон шудам. Савдо карда, рӯзи фарзандонамро мегузарондам. Ҳоло аз мақомот, аз ҷумла милисаю амният омада, фишор меоранд. Мо чӣ гуноҳ дорем? Кори бародарам ба мо, дукончаи шавҳарам чӣ рабт дорад? Ҳар кас бояд барои кори кардааш худаш ҷавоб гӯяд”.

Занҷирамоҳ Гадоева бо таъкиди ин ки 25 сол боз ҳаёти хонаводагии алоҳида дорад, аз Президент хост барояш кӯмак кунад, то хонаводааш таҳти фишор қарор нагирад: “Айни ҳол намояндагони мақомот омада, борамонро аз дукончаамон гирифта истодаанд. Бори мо аз халат, либосворӣ ва ҳамин хели чизҳо иборат аст. Охир мо ҳуқуқи зиндагӣ надорем? Мо шаҳрванд нестем?”.

Умарҷони Эмомалӣ, сухангӯи Вазорати умури дохилии Тоҷикистон дар шарҳи қазия ба “Озодагон” гуфт, агар фаъолияти ин соҳибкорзан дар доираи қонун бошад, касе ҳақ надорад, монеа шавад. Ӯ афзуд, “мо ин масъаларо пайгирӣ мекунем”.

Хонум Гадоева фишорҳоро ба фаъолияти сиёсии бародараш Шарофиддин Гадоев рабт дод. Шарофиддин Гадоев узви созмони мамнӯъшудаи “Гуруҳи 24” буда, бо баромадҳои зиддиҳукуматиаш дар шабакаи интернет маъруф аст. Ӯ қаблан бо дархости мақомоти тоҷик дар Испания боздошт шуд. Додгоҳи он кишвар истирдоди вайро ба Тоҷикистонро рад ва раҳояш намуд.

Мӯҳр

Хабарҳои монанд:

Мусофир

Ку додари бономусе ки аппаи худро кумак кунад. То дар аврупо ва амрико гаштану ба дигарон ваъдаи кумак карданда аввал апаи аз як хуну раги худро кумак кун.!

Ҷавоб диҳед Иқтибос Шикоят

Фарход

Зану кудакашро нарасед. Онхоро якбора кумак кунед, то ба баробарашон гуянд, ки ту кори нодуруст кардаи ин давлати хуб аст. Худаш душман буд боз авлодонашро душмани абади кардан чи лозим?

Ҷавоб диҳед Иқтибос Шикоят

Патриот

Шароф бие Точикистону хамон носфурушиатро давом дех. Пештар аз хисоби носфуруши рузатон мегузашт ку.
Чавонмарди да монанди ту нест, бояд фикри хонагихоятро мекарди, е инхоро бо худ мебурди е 21 дар замин сахт карда мешишти.
Так что лучше бие, 8 солак мешини, мебарои зиндагиро давом медихи. Апата социализм савдоша намеиранд.
Афсус ки ин гапхо ба мардак таъсир мекунад, ба ту не.

Ҷавоб диҳед Иқтибос Шикоят

Саид

Мусофир,
Хамон хохар чи гунох дорад ,ашула нахон !
Хар як шахс бояд бо кардаи худ чавобгар бошад ,дуруст гуфтааст ин хохар назди конун гунохе надорад .
Мусофир ! худат аз хамон одамоне хасти,ки (саларо биёр гуянд ,каларо мебиёрад) бесаводи афсус...........

Ҷавоб диҳед Иқтибос Шикоят

Эзоҳ илова кунед