Сироҷиддин Аслов дар Рӯзи миллии Эрон: Мутмаинам чолишҳоро аз як дидгоҳ арзёбӣ хоҳем кард (АКС)
Сафири Эрон дар Душанбе кишварашро дар самти дастгирии иқтисоду тиҷорат ба Тоҷикистон аз пешгомон унвон кард.
Ҳуҷҷатулоҳ Фағонӣ, шоми 9 феврал дар расми таҷлил аз Рӯзи миллии Ҷумҳурии исломии Эрон дар шаҳри Душанбе гуфт, Теҳрон дар ҳавзаи сармоягузорӣ аз пешгомон дар Тоҷикистон буда, пружаҳои бузурге чун эҳдоси садди “Сангтуда 2”, нақби “Истиқлол”, Бемористони Ибни Сино, корхонаи тракторсозии “ТоҷИрон”-ро иҷро кардааст: “Мушорикат дар тарҳи роҳи оҳани панҷониба, садди неругоҳи “Роғун”, хатти интиқоли барқи “КАССА 1000” иҷрои тасвияи хонаи обӣ дар Душанбе аз дигар масъалаҳои ҳамкории Тоҷикистону Эрон маҳсуб мешавад”.
Ӯ ба ҷаласаи комиссияи муштараки ҳамкориҳои иқтисодӣ ва тиҷорӣ, ки соли сипаришуда баргузор шуд, ишора намуда гуфт, нишастҳои ин комиссия роҳро барои густариши бештари муносиботи ду кишвар боз мекунад.
Сафири Эрон дар Тоҷикистон дар суханронии худ ба мавзӯи тавофуқи ҳастаии кишвараш бо қудратҳои ҷаҳонӣ ҳам дахл карда, онро бурди дипломатияи Теҳрон хонд. “Тавофуқи ҳастаӣ намоди пирӯзии диломатия ва давраи рушди Эрон ва поёни пружаи эронҳаросӣ аст. Баъзе тозасиёсатворидон аз кашидани девор миёни давлатҳо ҳарф мезананд, ки бар хитоби расисҷумҳури Эрон бояд бидонанд, ки таъмини манофеи миллатҳо дар асри ҳозир бо нажодпарастӣ, нафратпароканӣ ва исломҳаросӣ амалӣ нахоҳад шуд”,-изҳор дошт ӯ.
Сироҷиддин Аслов, вазири умури хориҷии Тоҷикистон ҳангоми суханронӣ дар Рӯзи миллии Эрон гуфт, Тоҷикистон алоқаманд аст, ки сатҳи муносиботи ду кишвар дар руҳияи шарикӣ ва эҳтироми манофеи ҳамдигар суръат бигирад: “Умед дорем, дар ояндаи наздик дар партави арзишҳои муштараки фарҳангӣ ва тамадунофар, ки пояи шикастанопазири муносибатҳои мардумони Тоҷикистону Эрон аст, шоҳиди тавсеаи пеш аз беши ҳамкориҳои дуҷониба ва бисёрҷониба хоҳем шуд”.
Ба гуфтаи вазири корҳои хориҷии Тоҷикистон, дар шароити ҳассос ва идомаи таҳаввулоти хатарзо дар минтақа ва чаҳон, ки пешгӯинашаванда буда, ба амнияту рушди муносибатҳо таъсир мерасонанд ва ба чолиш мекашанд, Душанбеву Теҳрон ба ҳамкории наздиктару боэътимодтар дар самти мубориза алайҳи ифротгароӣ ва терроризм ниёз доранд: “Мутмаинам ки дар сангари муқовимат дар самти чолишҳои амнияти миллӣ ва минтақавӣ дар паҳлӯи ҳам хоҳем буд ва аз як дидгоҳ чолишхоро арзёбӣ хоҳем кард”.
Эрон аз аввалин кишварҳоест, истиқлоли Тоҷикистонро дар 25 соли пеш ба расмият шинохт.
Мӯҳр
ТАҚВИМ
« Апрел 2024 » |
---|
Душ | Сеш | Чор | Пан | Ҷум | Шан | Якш |
---|
1 | 2 | 3 | 4 | 5 | 6 | 7 |
8 | 9 | 10 | 11 | 12 | 13 | 14 |
15 | 16 | 17 | 18 | 19 | 20 | 21 |
22 | 23 | 24 | 25 | 26 | 27 | 28 |
29 | 30 | |