13 фев 2017 09:04Тоҷикистон / Сиёсат

Пойгоҳҳои украинӣ дар бораи қатли Сангаку Файзалӣ

Пойгоҳҳои таҳлилии укроинӣ қатли қумандонҳои саҳроиро тайи даҳсолаҳои охир баррасӣ карда, қатли мармузи Сангак Сафаров ва Файзалӣ Саидовро ба шеваи кори мақомоти махсуси “КГБ”-ю "ФСБ" монанд кардаанд.

Виталий Портников, шореҳи сиёсии укроинӣ бо ишора ба қазияи мармузи куштори Сангак Сафаров ва Файзалӣ Саидов навиштааст, ки ин гуна маҳор кардани қумандонҳои саҳроӣ аз усулҳои куҳан ва таҷрибашудаи КГБ мебошад.

Портников дар заминаи шарҳ додани сарнавишти ду қумандони саҳроии ҷудоихоҳи Укроин Гиви (Михаил Толстих) ва Моторола (Арсения Павлова) аз қатли Сангак Сафаров ва Файзалӣ Саидов ёд карда ва гуфтааст, ки шаби 29 ба 30 марти соли 1993 дар ҳудуди совхоз-техникуми ба номи Куйбишев ду қумандони саҳроии маъруфи замони ҷанги шаҳрвандии Тоҷикистон кушта шуданд:“Ҳар ду мақтул аз ҷинояткорони собиқадор ва сарбурони воқеӣ буданд. Сафаров 23 зиндонӣ буд”.

Гиви (Михаил Толстих) ва Моторола (Арсения Павлова) аз қумандонҳои ҷудjихоҳи ҷумҳурии худхондаи мардумии Донетск ва ҳаводорони Русия буданд, ки алайҳи низомиёни Укроин меҷангиданд. Чанд рӯз пеш Гиви бар асари як ҳамла дар дафтари кораш кушта шуд. Моторола низ дар пайи чунин як ҳодиса 16 октябри соли гузашта кушта шуда буд.

Портников куштори Гиви (Михаил Толстих) ва Моторола (Арсения Павлова)-ро ба қатли мармузи Сангак Сафарову Файзалӣ Саидов дар Тоҷикистон ва Ҷеб Иоселиан ва Тенгиз Китовани дар Гурҷистон монанд дониста, онҳоро кори дасти мақомоти махсус донистааст.

Портников ҳамчунин гуфтааст, ки ин гуна чеҳраҳо то замоне истифода мешаванд, ки заруранд ва баъди тамом шудани зарурат маҳор карда мешаванд. Аз ҷумла ӯ гуфтааст, ки Александр Захарченко ва Игор Плотнитско ду раҳбари дигар ҷангҷӯйи ҳаводори Русияро низ чунин сарнавишт интизор аст. Ба иқрори Портников касоне, ки сиру асрори зиёдро медонанд мақомоти махсус намегузоранд, ки зиёд зиндагӣ кунанд.

Мӯҳр

Хабарҳои монанд: