Русский  >>  فارسی  >>  Шанбе 24 июн 2017, 01:34

Андуҳи Э.Раҳмон аз ҳамлаи “ДИИШ” ба ибодатгоҳи сӯфиён (ВИДЕО)

17 феврал 2017, 12:56

Эмомалӣ Раҳмон, раисиҷумҳури Тоҷикистон, ҳамлаи маргталабонаи террористонро ба ибодатгоҳи шаҳри Сеҳвани музофоти Синд маҳкум кардааст.

Тибқи иттилои дафтари матбуоти раисиҷумҳури Тоҷикистон Эмомалӣ Раҳмон бо ирсоли барқияи тасаллият ба Муҳаммад Навоз Шариф, сарвазири Покистон изҳор доштааст, ки “хабари фоҷиабори таркиши маргталабонаи террористӣ дар ибодатгоҳи шаҳри Сеҳвани музофоти Синд, ки муҷиби шаҳодати даҳҳо зоирону мардуми бегуноҳ ва захмӣ шудани зиёда аз 150 нафар шаҳрвандони кишвар гардидааст, моро ниҳоят андӯҳгин намуд. Тоҷикистон ин аъмоли ғайриинсонии як иддаи ҷинояткорро, ки онро бо номи дини мубини ислом пӯшиш медиҳанд, маҳкум намуда, зарурати идомаи муборизаи сарҷамъонаи беамонро алайҳи терроризм қотеъона таъкид менамояд. Бо изҳори таъзия ва тасаллияти самимӣ ба тамоми мардуми дӯсти Покистон, аз Ҷаноби Олӣ хоҳишмандам, ки эҳсоси ҳамдардии амиқи моро ба наздикони фавтидагон бирасонанд. Ба маҷрӯҳшудагон шифои оҷил ва комил орзумандам”.

Ҳамла ба ибодатгоҳи сӯфиён 16-уми феврал рух дода, ба иттилои мақомоти Покистон 72 кушта барҷой гузошт. Масъулияти ҳамларо гурӯҳи тундрави "Давлати исломӣ" бар ӯҳда гирифтааст.




Шарҳи худро бинависед:

Ном:*
E-Mail:
Матни шарҳ:
Посух додан
  • Макнуна

  • 17 феврал 2017 23:04
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Озодагон, илтимос шакли пешниходатона дигар кунед. Маводои шуморо хондан душвор тарики телефон. Масалан ба мисли Озоди пешнизод кунед.

Матолиби ҳамсон:


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, хиёбони Саъдии Шерозӣ-16;

Телефон: (+992) 50 20 777 88; (44) 600 10 60;

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!