24 фев 2017 16:05Оcиёи Марказӣ / Тоҷикистон

Тақдири пули мардум чӣ мешавад? Шарҳи Бонки Миллӣ

Бонки миллии Тоҷикистон тақдири пасандозҳои мардумро дар ду бонки фаъолияташ қатъшуда -- “Тоҷпромбонк” ва “Фононбонк” шарҳ дод.

Мавҷуда Ҳасанова, сухангӯи Бонки миллии Тоҷикистон имрӯз, 24-уми феврал дар суҳбат бо “Озодагон” гуфт, амонати шахсони воқеӣ марҳила ба марҳила баргардонда мешавад. Ба иттилои ӯ, Бонки миллӣ дар пайи бозхонди иҷозатномаи бонкҳо барои барҳамдиҳӣ ба додгоҳ муроҷиат мекунад: “Суд давоми як моҳ “ликвидатор” (мудири махсус дар бораи барҳамдиҳӣ)-ро мушаххас мекунад. "Ликвидатор" аз ҳисоби фурӯши амвол ва қарзҳои баргардондашуда пасандози мизоҷонро барқарор мекунад”.

Хонум Ҳасанова таъкид намуд, ки дар марҳилаи аввал аз Хазинаи суғуртаи пасандозҳои шахсони воқеӣ 17,5 ҳазор сомонӣ ба амонатгузорони бонкҳои басташуда пардохт мешавад. Ба қавли сухангӯи Бонки миллӣ, бо мурури иҷрои расмиёт аз ҳисоби амволи бонкҳои басташуда пасандози мардум пурра баргардонда мешавад.

Бонки миллии Тоҷикистон имрӯз аз қатъи фаъолияти "Тоҷпромбонк" ва "Фононбонк" хабар дод. Торнамои расмии бонк далели онро “сабабҳои асоснок” гуфта, ҷузъиёти онро шарҳ надодаст.

Ин ду бонк дар баробари “Агроинвестбонк” ва “Тоҷиксодиротбонк” солҳои охир дучори мушкили молӣ шуда буданд. Моҳи декабри соли гузашта Бонки миллӣ маъмурияти "Тоҷпромбонк"-ро ба Ҷамшед Зиёев, роҳбари қаблӣ баргардонда, ҳушдор дода буд, тарҳи раҳоӣ аз ҳолати буҳрониро давоми як моҳ ба Бонки миллӣ пешниҳод кунанд. Соли гузашта Бонки миллӣ инчунин ба далели мушкили молӣ дар "Фононбонк" ҳам маъмурияти муваққатӣ таъин карда, баъдан онро ба роҳбарони қаблияш баргардонд. Зоҳиран на роҳбарони муваққатии таъинкардаи Бонки миллӣ ва на соҳибони аслӣ натавонистаанд, роҳи наҷоти ин бонкҳоро пайдо кунанд.

Дар акс Ҷамшед Зиёев

Мӯҳр

Хабарҳои монанд:

Матлубхон

Катъ гардидани 2 бонки машхур дар Точикистон - маънои онро дорад, ки дар Точикистон бухрони иктисоди афзоиш ёфта истодааст...

Ҷавоб диҳед Иқтибос Шикоят

Манучехр

Бинохои обод гарданд хароб,
К-аз борону гардиши офтоб.

Ҷавоб диҳед Иқтибос Шикоят

Фародис

Катъ гардидани ин ду бонк маънои онро надорад,ки Точикистон ба бухрони иктисоди дучор шудааст, шояд ин ду бонк кори худро пеш бурда натавонистанд ё ин,ки лозим набудаст амин бокхо, мухимаш онки чанд нафари дигар боз бечои кор монд............

Ҷавоб диҳед Иқтибос Шикоят

Мусо

Такдири пули мардум ба гуфти руссхо "к черту" ,такдири пули "Калон"-хоро халк бояд хурад.

Ҷавоб диҳед Иқтибос Шикоят

Ҳисобчӣ

-Ба фикрам ҳамин 17,500 (2000 ҳазор доллар) ҳамин маъноро дорад, ки муштарӣ панот ба худо...

Ҷавоб диҳед Иқтибос Шикоят

Сафар

Амонатхои мардум вакте баргардонида мешаванд, ки карзхо баргардан яъне то думи уштур бар замин нарасад амонататро намегири барин?

Ҷавоб диҳед Иқтибос Шикоят

Эзоҳ илова кунед