Русский  >>  فارسی  >>  Душанбе 1 май 2017, 09:27

Рейтинги ФИФА: Тоҷикистон ҳанӯз дар ҷойи 133 аст

10 март 2017, 09:37

Тоҷикистон дар раддабандии нави FIFA (Федератсияи байналмилалии футбол), ки 9 март нашр шуд, мавқеашро тағйир надода, бо 231 имтиёз зинаи 133-юмро муаррифӣ мекунад.

Федератсия футболи Тоҷикистон мегӯяд, моҳи сипаришуда мунтахаби кишвар ягон бозӣ надошт, бинобар ҳамин мақомаш дар рейтинг бетағйир мондааст. Ба иттилои манбаъ, мунтахаби футболи кишвар давоми моҳи равон ду бозӣ яке бо Баҳрайн бозии дустона ва дар доираи мусобиқоти Ҷоми Осиё-2019 бо Яман дидор хоҳад кард. Дар пайи ин бозиҳо мавқеи Тоҷикистон дар раддабандии ояндаи ФИФА, ки 6 апрел нашр мегардад, тағйир хоҳад ёфт.

Миёни кишварҳои Осиёи Марказӣ Узбакистон пештоз аст. Ин кишвар дар ҷойи 63-юм нишастааст. Қазоқистон дар зинаи 94, Қирғизистон 125 ва Туркманистон дар зинаи 144–уманд.

Мунтахаби Аргентина дар феҳристи нави ФИФА бо 1644 имтиёз мақоми аввалро касб намудааст. Бразилия (1534 имтиёз) дар ҷойи дувум ва Олмон (1443 имтиёз) дар ҷойи севум мебошанд.

Чили, Белгия, Фаронса, Колумбия, Португалия, Уругвай ва Испания шомили даҳгонаи беҳтарин тимҳои миллии ҷаҳон гардидаанд.

Рейтинги FIFA аз соли 1993 ба ин сӯ тартиб дода шуда, имтиёзҳо ба кишварҳо аз рӯи натиҷаҳои дастаи мунтахаби миллии ҳар кишвар дода мешавад. Натиҷаи беҳтарини мунтахаби Тоҷикистон дар феҳристи FIFA ҷойи 106-ум дар моҳи июни соли 2013 ва натиҷаи бадтаринаш ҷойи 180-ум дар соли 2003 мебошад.


Шарҳи худро бинависед:

Ном:*
E-Mail:
Матни шарҳ:

Матолиби ҳамсон:


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, хиёбони Саъдии Шерозӣ-16;

Телефон: (+992) 50 20 777 88; (44) 600 10 60;

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!