Баъди 13 сол аҳолии ҳамсояи шарқии Тоҷикистон ба 1,45 миллиард мерасад
Соли 2030 теъдоди аҳолии Чин ба 1,45 миллиард нафар мерасад. Дар ин бора Global Time бо такя ба Ван Пэйан, муовини раиси Кумитаи давлатӣ дар умури беҳдошти Чин иттилоъ додааст.
Ба гуфтаи Пэйан, дар сад соли оянда кишвараш бо мушкили норасоии одамон мувоҷеҳ нахоҳад шуд. Аммо авохири асри 21 теъдоди аҳолӣ то 1,1 миллиард кам мешавад.
Афзоиши теъдоди одамон дар Чин ба заъфи сиёсати демографӣ рабт дода мешавад. Мақомоти ин кишвар қоидаи “як хонавода – як кӯдак”-ро охирҳои моҳи декабри соли 2015 лағв кард. Ҳоло ба оилаҳо иҷозат дода мешавад, ки то ду фарзандро ба воя бирасонанд, агар яке аз ҳамсарон бародар ё хоҳар надошта бошанд.
Ба иттилои Global Time соли 2016 дар Чин беш аз 18 миллион навзод ба қайд расидааст.
Чин бо Тоҷикистон марзи муштарак дошта, яке аз сармоягузорҳои асосии кишвари мо дониста мешавад. Теъдоди шаҳрвандони ин кишвар ҳам дар Тоҷикистон ҳамасола меафзояд. Дар гузашта бархе соҳибназарони тоҷик бо таваҷҷуҳ ба суръати вуруди шаҳрвандони Чин ба ҷумҳурӣ изҳори нигаронӣ карда буданд.
Мӯҳр
ТАҚВИМ
« Март 2024 » |
---|
Душ | Сеш | Чор | Пан | Ҷум | Шан | Якш |
---|
| 1 | 2 | 3 |
4 | 5 | 6 | 7 | 8 | 9 | 10 |
11 | 12 | 13 | 14 | 15 | 16 | 17 |
18 | 19 | 20 | 21 | 22 | 23 | 24 |
25 | 26 | 27 | 28 | 29 | 30 | 31 |