18 мар 2017 11:52Тоҷикистон / Акс

АКС: Оғози сохтмони 2 мактаби замонавӣ дар Душанбе

Рустами Эмомалӣ, шаҳрдори Душанбе 17-уми март бо имзои паём ба наслҳои оянда сохтмони ду мактаби замонавӣ бо арзиши 91 миллион сомониро оғоз бахшид.

Тибқи иттилои дафтари матбуоти шаҳрдорӣ Рустами Эмомалӣ аз ҷумла ба сохтмони мактаби нав барои 1500 нафар хонанда дар ҳудуди литсейи рақами 55-и ноҳияи Шоҳмансури шаҳри Душанбе замина гузошт: “Ин таълимгоҳ аз 4 бинои 4 ошёна иборат буда, се қисмати он дар якҷоягӣ барои хонандагони синфҳои болоӣ лоиҳакашӣ шуда, як бинои дигар дар алоҳидагӣ барои толибилмони синфҳои ибтидоӣ тарҳрезӣ гардидааст».

Шаҳрдорӣ мегӯяд, бинои ҳозираи литсей ҳанӯз соли 1937 бунёд гардида, барои 780 ҷойи нишаст пешбинӣ шуда буд, вале он имрӯз дар ду баст 1674 нафар толибилмро фаро гирифтааст.

Манбаъ арзиши бунди таълимгоҳи навро 34 миллиону 165 ҳазор сомонӣ арзёбӣ карда, илова намуд, ки соли 2017 барои сохтмони иншооти мазкур 10 миллиону 165 ҳазор сомонӣ маблағ ҷудо карда шудааст.

Дар баробари ин Рустами Эмомалӣ дар ҳудуди кӯчаи Соҳилии ноҳияи Фирдавсии пойтахт ба бунёди боз як таълимгоҳи нав барои 2000 хонанда санги асос гузошт: «Дар мактаб 98 синфхона тарҳрезӣ шудааст, ки аз он 84 синфхона бо 24 ҷойи нишаст, 6 синфхона барои омӯзиши забонҳои хориҷӣ, ба шумули забонҳои русӣ, англисӣ, олмонӣ, хитоӣ бо 12 ҷойи нишастӣ ҳар кадом, 2 устохонаи таълимӣ, 4 синфхонаи компютерӣ, синфхона - студияи тасвирҳои зинда, расмкашӣ ва ҳайкалтарошӣ барои 12 хонанда, толори машқу тамрини гимнастика барои писарону духтарон, толорҳои варзишӣ, маҷлисгоҳ барои 435 нафар, китобхона, духтурхона ва дигар утоқхои таълимӣ, омӯзишӣ, истироҳатӣ, маъмурӣ ва хоҷагӣ пешбинӣ шудааст».

Шаҳрдорӣ арзиши корҳои сохтмонию ороишии мактаби навро тақрибан 57 миллиону 617 ҳазор сомонӣ арзёбӣ кардааст.

Мӯҳр

Хабарҳои монанд:

сокини Душанбе

Мухтарам Озодагонэ, чаро шахрдориро ичрокунандаи вазифа намегуед?

Ҷавоб диҳед Иқтибос Шикоят

ФОРСИТИЧИК

АХСАН пешрави хуб

Ҷавоб диҳед Иқтибос Шикоят

илҳом

дар маҳалаи гулпарвар ҳам якто мактаб шавад бисер нағз мешавад

Ҷавоб диҳед Иқтибос Шикоят

Ашурова Махфират

Салом Радиои,Озодагон хар соат хабархои наву тозаи шуморо хонда хеле хушхол мешавам,ва метавонам тарики расонахои хабари шумо илтимосе аз шахрдорон бикунам,агар ха бошад хеле хушхолам,зеро хабари охирини шумора дар бораи 2мактаби замонави огози шуданро хондам.ман истикоматкунандаи дехаи Озодии занон,и н.Рудаки мебошам махалаи мо хеле калон аст,валле мактаб надоран чои мактаб койхо боз чудо карда шудааст,аммо шахсе пайдо нашудааст,ки ин масьулиятро ба ухда гирад,агар шумо тавонед ин масьалаи барои хаёти хазорхо шахрвандони шумо мухимро ба гуши шахрдорони мо расонед ба фикри ман ин савоб на танхо замини балки осмони мебошад,бо эхтиром шахрванде,ки хело умед дорад аз навиштани мактуби худ,ташакури пешаки,ва интизори чавобам....

Ҷавоб диҳед Иқтибос Шикоят

Эзоҳ илова кунед