Бахшҳо

Эълони ҳукми лейтенант Саидов дар Додгоҳи олӣ

Ёрибек Саидов, лейтинанти қисми низомии 747-и шаҳри Душанберо ба 9 соли маҳрумият аз озодӣ дар колонияи низомаш пурзӯр маҳкум шуд.

Баррасии парвандаи Саидов дар Додгоҳи олӣ ҷараён гирифт ва додрас ӯро дар асоси моддаи 391 қисми 3 банди “а” муҷрим шинохт. Ин дар ҳолест, ки қаблан ӯ тибқи моддаҳои 250 қисми 1 ва 143 прим 1 муттаҳам мешуд ва айбдоркунандаи давлатӣ аз қозии парванда хоста буд, вайро 14 сол аз озодӣ маҳрум намояд.

Баъд аз зуҳри имрӯз, 28 март Ёрибек Саидов сухани охирини худро дар додгоҳ изҳор дошт. Ӯ аснои суханронӣ дар Додгоҳи олӣ гуфт, “қонун чизе мегӯяд, ҳамон шавад”.

Дар баррасиҳои додгоҳии гузашта айбдоркунандаи давлатӣ гуфта буд, 9 сентябри соли 2016 замони навбатдории Ҷаҳонгир Қурбонов ва ҳамхизматаш Меҳроҷиддин Беҳзод дар қисми низомии 2747-и шаҳри Душанбе як гармкунаки барқӣ - “радиатор” гум мешавад. Рӯзи дигар Ёрибек Саидов, лейтинанти ин қисми низомӣ ҳардуро даъват карда, дашном медиҳад. Ба қавли айбдоркунандаи давлатӣ, дар пайи фишор ва муомилаи бераҳмонаи Саидов 11 сентябри соли 2016 Ҷаҳонгир Қурбонов худро дар дохили анбори ҳезуми қисми ҳарбӣ ба дор меовезад. Дар робита ба ин 10 март айбдоркунандаи давлатӣ аз додгоҳ хост, бар асоси моддаҳои 250 қисми 1 ва 143 прим 1-и Кодекси ҷиноии кишвар Ёрибек Саидов 14 сол аз озодӣ маҳрум гардад.

Ҷӯрабек Қурбонов, падари Ҷаҳонгир мегӯяд, аз ҳукми додгоҳ розӣ нест ва аз он шикоят мебарад. Ӯ, ки дар гузашта мегуфт, бояд ба ин афсар ҳукми абад дода шавад, изҳор дошт, ҳадди аққал бояд 20 сол аз озодӣ маҳрумаш мекарданд. Қурбонов қаблан ба "Озодагон" гуфта буд, вақте ҷасади фарзандашро ба онҳо супурданд, дар бадани ӯ изи латту кӯб дида мешуд: “Ман боварӣ надорам, ки ӯ даст ба худкушӣ зада бошад, ба фикри ман ӯро чанд нафар ба қатл расонидаанд".

Дар ҳамин ҳол, Сангин Саидҷонова, модари Ёрибек Саидов низ гуфт аз ҳукми додгоҳ розӣ нест: “Ба нақли писарам ин корро ӯ накардааст. Ман низ мехоҳам тибқи қонун фарзандам ба ҷавобгарӣ кашида шавад”.

Хонум Саидҷонова мегӯяд, бо далели надоштани маблуғ натавонист писарашро бо вакили дифоъ таъмин кунад. Вай афзуд: “Соҳиби даҳ фарзанд мебошам, ки Ёрибек охириншон ҳаст. Вақте Ёрибек як сол дошт, падараш вафот кард, ман бо азобу машақати зиёд модари танҳо ӯро ба воя расонидам, ки то ҳол касе аз болои ӯ шикоят накардааст. Ман ба нафақаи худам ӯро хонондаам ва ҳамаи ин гуфтаҳо нисбати писарам туҳмат мебошад”.
Мӯҳр
Ба нафака калон карди нагз апачон. Лекин 9 бародари дигарш кучо будан ки тарбияи нагз медодан...

Ҳамин ва дигар ваҳшоният ҳаст ки, касе намехоҳад дар ин артиш хизмати аскарӣ кунад.

Эзоҳ илова кунед
Номи шумо:
Почтаи электронии шумо:
  • bowtiesmilelaughingblushsmileyrelaxedsmirk
    heart_eyeskissing_heartkissing_closed_eyesflushedrelievedsatisfiedgrin
    winkstuck_out_tongue_winking_eyestuck_out_tongue_closed_eyesgrinningkissingstuck_out_tonguesleeping
    worriedfrowninganguishedopen_mouthgrimacingconfusedhushed
    expressionlessunamusedsweat_smilesweatdisappointed_relievedwearypensive
    disappointedconfoundedfearfulcold_sweatperseverecrysob
    joyastonishedscreamtired_faceangryragetriumph
    sleepyyummasksunglassesdizzy_faceimpsmiling_imp
    neutral_faceno_mouthinnocent
ХАБАРҲОИ ОХИРИН
Баҳси пурзӯр кардани ҳифзи сарҳади Тоҷикистону Афғонистон дар дидори Э.Раҳмон ва ҳайати парлумони Аврупо10:09Оғози фурӯши смартфонҳои iPhone 8 ва iPhone 8 Plus!09:49БО ЗАБОНИ ШЕЪР: Ман зи андешаи турконаи як ҳамватанам метарсам...15:34Чаро ҳукумат ҳамеша ба ТАЛКО имтиёз медиҳад?14:16“Шантаж”-и ҳамсар: Аз ҳаққи модарӣ даст накашӣ расвоят мекунам10:27Баҳси буҷа: Аз қарзи маош то қарзи хориҷӣ11:57Сарвазири Тоҷикистон бо Президенти Узбакистон мулоқот мекунад11:05Ҳимояти СММ аз cарбози тоҷики пайрави “Шоҳидони Яҳво”, ки либоси низомиро рад кард10:38АКС+ВИДЕО. Нахустин анҷумани маъюбони Тоҷикистон дар Душанбе11:51Маҷлис: Аз тағйироти кадрӣ то ваъдаи 80 мансабдор барои пулдиҳӣ аз кисаи худ15:46100 метр дуртар: Тамокукашӣ маҳдудтар шуд13:21Аз парвандаи Маҳмудов то муроҷиати ҷабрдидагони "7 бурҷ": Роҳкиро надорем (ВИДЕО)11:18Пешниҳоди журналисти тоҷик ба раҳбарони кишварҳои ҷаҳон: 2018-ро соли беяроқӣ эълон кунем!09:33Агентии зидди коррупсия гуфт, “Умед-88” ва Вазорати молия аз “Роғун” қарз гирифтаанд08:01Таърихи имрӯз: Мавлуд, ҷашн, санаҳои таърихӣ, дамои ҳаво, бозори арз07:44
ТАҚВИМ
«    Март 2024    »
ДушСешЧорПанҶумШанЯкш
 123
45678910
11121314151617
18192021222324
25262728293031
БОЙГОНӢ
Ноябр 2017 (5)
Октябр 2017 (192)
Сентябр 2017 (257)
Август 2017 (314)
Июл 2017 (301)
Июн 2017 (269)