Русский  >>  فارسی  >>  Панҷшанбе 21 феврал 2019, 03:13

Ситораи машҳури телевизиони Узбакистон гуфт, маъшуқаи Ислом Каримов набуд

28 март 2017, 15:26

Лола Ҳотамова, рӯзноманигори маъруфи даврони шӯравии Узбакистон, ки замоне сухангӯи президенти пешини ин кишвар Ислом Каримов буд, гуфтааст, овозаҳо дар бораи робитаҳои ошиқонааш бо Каримов сабаб шуданд, ки якбора аз назарҳо ғайб занад.

Дар мусоҳибаи вижаи бахши узбакии Радиои Озодӣ Ҳотамова гуфтааст, баъди нофаҳмӣ бо Ислом Каримов вай нахуст аз кор ва баъдан аз Узбакистон рафт. Ҳоло дар ИМА ба сар мебарад.

Ба гуфтаи Лола Ҳотамова, маъшуқаи Каримов набуд, аммо таваҷҷуҳи президент ба вай ва фаъолияташ дар солҳои 1990 боиси овозаҳое шуд, ки ӯро аз кор маҳрум кард: “Ман кадри ҷавон будам, нав корро шурӯъ карда будам, ҳоло ҳеч кори бузурге накарда будам, ки сазовори чунин таваҷҷуҳи шахси аввали кишвар шавам. Ба ҷуз ин, он замон дар ҷомеаи Ӯзбекистон масъалаи худшиносӣ дар авҷ буд. Бисёриҳо медонистанд, ки ҳамсари Ислом Каримов рустабор аст. Аз ҳамин хотир, бархеҳо, тавре мегӯянд, “хостро ҳаст пиндошта” фикр мекарданд, ки Каримов ҳамсари русашросар медиҳад ва хонуми ӯзбек мегирад. Ман намедонам, ин овозаҳо аз куҷо сар заданд, аммо натиҷа он шуд, ки ман аз кор ронда шудам”.

Ӯ дар бораи фаъолияташ дар даврони Ислом Каримов мегӯяд, президентро “дар ҷаласаҳо гӯш кардан душвор буд. Вай забони ӯзбекиро хуб намедонист. Ҳатто вақте бо русӣ суҳбат мекард, аз мавзӯи асосӣ борҳо канор мерафт”. Аммо Ҳотамова аз Каримов ранҷидааст. Вай мегӯяд, “Каримов ба ҳайси роҳбари як давлати комил тамоми нерӯяшро ба як зани ҷавону танҳое, ки дар даст тифли хурдсол дошт, нишон дод”.

Лола Ҳотамова афзуд, то ҳол шаҳрванди Узбакистон буда, ба ватанаш равуо дорад ва аз президенти нави ин кишвар тағйироти мусбатро умедвор аст.



Шарҳи худро бинависед:

Ном:*
E-Mail:
Матни шарҳ:

Матолиби ҳамсон:


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, хиёбони Саъдии Шерозӣ-16;

Телефон: (+992) 50 20 777 88; (44) 600 10 60;

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!