Русский  >>  فارسی  >>  Панҷшанбе 22 июн 2017, 21:35

Кашфи бензини қочоқӣ ва сӯиистифода аз номи “Газпром-Нефт Тоҷикистон”

3 апрел 2017, 12:08

Мақомоти гумруки Тоҷикистон нисбати ду нафар, ки бо санадҳои тақаллубӣ аз номи “Газпром-Нефт Тоҷикистон” ба интиқоли маводи сӯхт машғул будаанд, парванда боз карда, ба додситонӣ фиристодааст.

Тавре аз ин ниҳод ба “Озодагон” гуфтанд, ҳангоми аз назаргузаронии гумрукӣ боркаши “Фотон”-и ҳомили 41 тоннаву 540 литр маводи сӯзишворӣ ошкор шудааст, ки ба шаҳрвандони Тоҷикистон Ҷ.Э. таалуқ дорад. Ба иттилои манбаъ, Ҷ.Э.-и 28-сола ва А.А.-и 29-сола, сокинони ноҳияи Бобоҷон Ғафуров ҳамроҳ бо чанд нафари дигар бо ҳам маслиҳат намудаанд, ки аз Қирғизистон ба таври ғайриқонунӣ ба кишвар бензин ворид намоянд: “Ин гуруҳ ба воситаи деҳаи Қӯрғончаи ноҳияи Ғончии вилояти Суғд ба ҳудуди Қирғизистон рафта, аз он ҷо маводи сӯзишвории навъи “бензин”-ро бо вазни умумии 41 тоннаву 540 литр аз “Чингиз” ном шахси номаълум ба маблағи умумии 124 ҳазору 620 сомонӣ харидорӣ менамоянд ва ғайриқонунӣ ба Тоҷикистон интиқол медиҳанд”.

Манбаъ мегӯяд, тибқи маслиҳати пешакӣ, Ҷ.Э. ҳуҷҷатҳои қалбакии борхат, санад ва декларатсияи бори гумрукии қаблан барои бензин воридшударо гирифта, 41 тоннаю 540 литр сӯзишвориро ҳамчун маҳсулоти ҶДММ “Газпром-Нефт Тоҷикистон” ғайриқонунӣ ба шаҳри Душанбе интиқол медиҳад: “Тибқи мактуби ҶДММ “Газпром- Нефт Тоҷикистон” ҳуҷҷатҳои зикршуда қалбакӣ буда, аз ҷониби мутахассиси бақайдгирии ширкати мазкур шаҳрванд Н.М. ғайриқонунӣ тайёр карда шудааст”.

Ба иттилои ин ниҳод ташхиси озмоишгоҳи маҳсулоти нафтии “Тоҷикстандарт” муайян кардааст, ки дар дохили нақлиёти мазкур сӯзишвории навъи “бензин АИ-80” мавҷуд мебошад, ки мувофиқи мактуби шуъбаи пардохтҳо ва назорати арзии Раёсати минтақавии гумрукӣ дар шаҳри Душанбе 129 ҳазору 177 сомониро ташкил медиҳад.


Шарҳи худро бинависед:

Ном:*
E-Mail:
Матни шарҳ:
Посух додан
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
точикистон хам газпром дорад-ми? ё ки газпром аз номи точикистон суиистифода мекунад
Посух додан
  • Точ

  • 3 апрел 2017 18:08
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Бизнеси болонишинон аз даст меравад

Матолиби ҳамсон:


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, хиёбони Саъдии Шерозӣ-16;

Телефон: (+992) 50 20 777 88; (44) 600 10 60;

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!