Русский  >>  فارسی  >>  Душанбе 29 май 2017, 18:11

Пешниҳоди маҳдудият ба қонуни интихоби вакилони маҳаллӣ

3 апрел 2017, 17:34

Шӯрои Маҷлиси намояндагон, таҳти раёсати Шукурҷон Зуҳуров имрӯз, 3-юми апрел тағйирот ба қонун «Дар бораи интихоботи вакилон ба Маҷлисҳои маҳаллии вакилони халқ»-ро баррасӣ кардааст.

Тибқи иттилои дафтари матбуоти палатаи поёнии парлумон, Абдураҳим Холиқзода, раиси кумитаи Маҷлиси намояндагон оид ба сохтори давлатӣ ва худидоракунии маҳаллӣ изҳор доштааст, ки тағйирот ба қонуни мазкур аз ҷониби ҳукумат пешниҳод шудааст.

Холиқзода мақсади тағйиротро ҷорӣ намудани маҳдудият барои номзад ба вакилии Маҷлисҳои маҳаллии вакилони халқ бинобар соҳиб шудан ба шаҳрвандии давлати дигар арзёбӣ кард.

Зимни ҷаласаи Шӯро таъкид гардидааст, ки лоиҳаи қонуни мазкур ба Конститутсия ва дигар санадҳои меъёрии ҳуқуқии кишвар мутобиқ буда, аз буҷети давлатӣ маблағи иловагиро талаб наменамояд. Масъалаи мазкур барои баррасӣ ба ҷаласаи Маҷлиси намояндагон пешниҳод гардидаст.


Шарҳи худро бинависед:

Ном:*
E-Mail:
Матни шарҳ:

Матолиби ҳамсон:


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, хиёбони Саъдии Шерозӣ-16;

Телефон: (+992) 50 20 777 88; (44) 600 10 60;

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!