Русский  >>  فارسی  >>  Ҷумъа 18 август 2017, 23:16

Сарвар Бахтӣ дар бораи хабари маҷруҳ шудани як тоҷик дар инфиҷори Питер: Ӯ шаҳрванди Тоҷикистон нест

4 апрел 2017, 15:58

Губернатори Санкт-Петербург гуфтааст, миёни маҷруҳони таркиши рӯзи 3 апрел дар истгоҳи метрои Санкт-Петербург се шаҳрванди хориҷӣ ҳам ҳастанд.

Георгий Полтавченко, имрӯз, 4 апрел дар суҳбат бо журналистон гуфтааст, миёни 49 нафаре, ки баъди инфиҷор ба беморхона интиқол ёфтанд, шаҳрвандони Тоҷикистон, Узбакистон ва Белорусия низ ҳастанд. Ба гуфтаи ӯ, авзои 12 маҷруҳ вахим аст. Аммо Сарвар Бахтӣ, сухангӯи Сафорати Тоҷикистон дар Маскав мегӯяд, ин хабар асос надорад. Ӯ дар суҳбати катбие ба "Озодагон" гуфт, “кормандони консулгарии генералӣ ба беморхона рафта ва нафареро, ки шаҳрванди Тоҷикистон гуфта мешуд, аёдат карданд. Маълум гардид, ки вай шаҳрванди кишвари мо нест”.

Дар пайи таркиши бомб дар қатори метро миёни истгоҳҳои “Сенная площадь” ва “Технологический институт” дар истгоҳи “Петроградская” 14 нафар ба ҳалокат расида, беш аз 40 нафар ҷароҳат бардошт. Дар робита дар шаҳри Санкт-Петербург се рӯзи мотам эълон шудааст.

Яке аз муттаҳамони аслии ин бомбгузорӣ Акбарҷон Ҷалилов, як зодаи Қирғизистон ва шаҳрванди Русия гуфта мешавад.


Шарҳи худро бинависед:

Ном:*
E-Mail:
Матни шарҳ:

Матолиби ҳамсон:


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, хиёбони Саъдии Шерозӣ-16;

Телефон: (+992) 50 20 777 88; (44) 600 10 60;

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!