Русский  >>  فارسی  >>  Ҷумъа 26 май 2017, 02:55

12,5 соли Бутаев барои қасди сафар ба Сурия

5 апрел 2017, 13:14

Додгоҳи ноҳияи Исмоили Сомонии шаҳри Душанбе Буттаев.М-ро барои қасди сафар ба Сурия ва зархаридӣ ба 12,5 соли зиндон маҳкум кардааст.

Тибқи иттилои дафтари матбуоти Додситонии кулли Тоҷикистон Бутаев ғояҳои созмони террористии “Давлати исломӣ”-ро ҳангоми муҳоҷирати меҳнатӣ дар шаҳри Самараи Русия қабул кардааст: “Ӯ замони муҳоҷирати меҳнатӣ дар Самара тавассути шабакаи интернетии “Зелло” дар барномаи “Роҳнамо ба сӯи давлати исломӣ” бо “Муҳаммад Муовия”, узви фаъоли ташкилоти экстремистӣ-террористии бо ном “Давлати исломӣ” робита барқарор намуда, даъвати ӯро барои сафар ба Сурия ва пайвастан ба сафи ҷангиёни ин созмон пазируфтааст”.

Манбаъ мегӯяд, “Муҳаммади Муовия” барои Бутаев чиптаи электронии хатсайри “Самара-Маскав-Кишинёв-Истанбул” харидааст: “Ӯ 27-уми декабр дар фурудгоҳи шаҳри Самара ҳангоми савор шудан ба ҳавопаймои хатсайри “Самара-Маскав” аз ҷониби кормандони мақомоти ҳифзи ҳуқуқ дастгир гардид. Бутаев моҳи марти соли равон ба 12,5 соли зиндон маҳкум шуд”.


Шарҳи худро бинависед:

Ном:*
E-Mail:
Матни шарҳ:

Матолиби ҳамсон:

Бойгонӣ

«    Май 2017    »
ДушСешЧорПанҶумШанЯкш
1234567
891011121314
15161718192021
22232425262728
293031 


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, хиёбони Саъдии Шерозӣ-16;

Телефон: (+992) 50 20 777 88; (44) 600 10 60;

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!