Русский  >>  فارسی  >>  Сешанбе 25 июл 2017, 09:40

Се муттаҳам: Гуноҳро зери қувваи барқ ба гардан гирифтем

6 апрел 2017, 14:48

Додгоҳи ноҳияи Шоҳмансур парвандаи 3 муттаҳам дар нашъаҷалобиро ба баррасӣ гирифтааст, ки иддао доранд, кормандони милиса зери ҷараёни барқ онҳоро водор кардаанд, то гуноҳро ба гардан гиранд.

Эътилофи ҷомеаи шаҳрвандӣ дар Тоҷикистон зидди шиканҷа ва беҷазоӣ иттилоъ додааст, ки Сайфиддин Исломов, падари қурбонии эҳтимолии шиканҷа Ҷонибек Сайфиддинов, ки ба гардиши ғайриқонунии маводи мухаддир айбдор мешавад, ба ин созмон муроҷиат карда, хостори кӯмак шудааст: “Аз рӯи ин парванда боз ду нафари дигар айбдор мешаванд”.

Адвокати Эътилоф Гулчеҳра Холматова, ки ба айбдоршавандаҳо хизмати ҳуқуқӣ мерасонад, иттилоъ дод, ки 2-юми феврали имсол дар ноҳияи Ёвон ҳангоми истифодаи маводи нашъадори ҳашиш яке аз айбдоршавандаҳо - Ёсин Меликов боздошт карда шуд: “Дар ду рӯзи баъд ду нафари дигар - Насим Кукиев ва Ҷонибек Сайфиддинов боздошт гардиданд”.

«Ҳамаи се нафар дар суд амалан ҳолати якхелаи боздошташонро нақл карданд, ки чи тавр чор нафар дар либоси мулкӣ (баъдтар мефаҳманд, ки онҳо кормандони ШВКД-и ноҳияи Шоҳмансур будаанд) бе нишон додани ягон ҳуҷҷати тасдиқкунандаи шахсияташон бо тундӣ онҳоро ба мошин шинонда, ба ҳуҷрае воқеъ дар ошёнаи 3-юми бинои ШВКД-и ноҳияи Шоҳмансури шаҳри Душанбе мебаранд. Онҳо нақл карданд, ки чи тавр бо мақсади гирифтани нишондоди иқроршавӣ дар содир кардани ҷиноят бо дасту пой ба ишкамашон заданд ва дар ангуштонашон қувваи барқ монданд. Меликов ва Кукиев дарди заҳматоварро тоқат накарда, ба содир намудани ҷиноят иқрор кардаанд»,- зикр намуд адвокат.

Эътилофи ҷомеаи шаҳрвандӣ дар Тоҷикистон зидди шиканҷа ва беҷазоӣ бо ишора ба нақзи ҷиддии меъёрҳо ҳангоми боздошти нафарони номбаршуда ёдовар мешавад, ки мувофиқи Эъломияи умумии ҳуқуқи инсон ва озодиҳои асосӣ, ягон кас набояд ба шиканҷа ва муносибати бераҳмона гирифтор карда шавад. Мурофиаи судии навбатӣ аз рӯи ин парванда 7-уми апрели соли 2017, соати 14:00 дар бинои Суди ноҳияи Шоҳмансур баргузор мегардад.


Шарҳи худро бинависед:

Ном:*
E-Mail:
Матни шарҳ:
Посух додан
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
мебахшен ки адреси Этилоф зидди шиканчаро дар точикистоа метияд е ягон номери телефон дорад.илтимос ёри дихед.рахмат.
Посух додан
  • ватандуст

  • 7 апрел 2017 08:40
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
(барои Орифшо)Эътилофи ҷомеаи шаҳрвандӣ дар Тоҷикистон зидди шиканҷа ва беҷазоӣ тел:+992987087676

Матолиби ҳамсон:

Бойгонӣ

«    Июл 2017    »
ДушСешЧорПанҶумШанЯкш
 12
3456789
10111213141516
17181920212223
24252627282930
31 


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, хиёбони Саъдии Шерозӣ-16;

Телефон: (+992) 50 20 777 88; (44) 600 10 60;

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!