Русский  >>  فارسی  >>  Сешанбе 25 июл 2017, 09:37

То 1500 сомонӣ. Таъини ҷазо барои пинҳон намудани душаҳрвандӣ...

10 апрел 2017, 10:35

Бар асоси тағйиру иловаҳо ба Кодекси ҳуқуқвайронкунии маъмурии Тоҷикистон афроде, ки ба мансабҳои давлатӣ интихоб ё таъин мегарданд ва шаҳрвандии давлати дигар доштани худро пинҳон мекунанд, муҷозот хоҳанд шуд.

Аз Маҷлиси намояндагони Тоҷикистон гуфтанд, Шӯрои палатаи поёнии парлумон тағйиру иловаҳо ба қонуни мазкурро имрӯз, 10 апрел дар як ҷаласа баррасӣ кардаанд. Дар ин ҷаласа, ки таҳти раёсати Шукурҷон Зуҳуров, раиси Маҷлиси намояндагон баргузор шудааст, Эмомалӣ Насриддинзода, раиси Кумитаи маҷлис оид ба қонунгузорӣ ва ҳуқуқи инсон ҳадафи ин тағиру иловаҳоро “пешбинӣ намудани ҷавобгарии маъмурӣ барои пинҳон намудани иттилоот дар бораи доштани шаҳрвандии давлати дигар ҳангоми интихоб ё таъин шудан ба вазифаҳои хизмати давлатӣ ва мансабҳои давлатие, ки қонунгузории Ҷумҳурии Тоҷикистон барои онҳо маҳдудияти доштани танҳо шаҳрвандии Ҷумҳурии Тоҷикистонро пешбинӣ намудааст” унвон намудааст.

Ба гуфтаи Насриддинзода, дар робита ба Кодекси ҳуқуқвайронкунии маъмурӣ моддаи 5011 бо мазмуни зерин илова гардид: “Моддаи 5011. Пинҳон кардани иттилоот дар бораи доштани шаҳрвандии давлати дигар: Барои аз ҷониби шаҳрванд пинҳон кардани иттилоот дар бораи доштани шаҳрвандии давлати дигар ҳангоми интихоб ва ё таъин шудан ба вазифаҳое, ки қонунгузории Ҷумҳурии Тоҷикистон маҳдудият оид ба доштани шаҳрвандии давлати дигарро пешбинӣ менамояд ба андозаи аз бист то сӣ нишондиҳанда барои ҳисобҳо ҷарима таъйин карда мешавад”.

Як нишондиҳанда барои ҳисобҳо 50 сомонӣ муайян гардидааст.

Ба иттилои манбаъ, Кумитаҳои Маҷлиси намояндагон ва шӯъбаи ҳуқуқи Дастгоҳи Маҷлиси намояндагон лоиҳаи қонун “Дар бораи ворид намудани тағйироту илова ба Кодекси ҳуқуқвайронкунии маъмурии Ҷумҳурии Тоҷикистон”-ро ҷонибдорӣ намудаанд.


Шарҳи худро бинависед:

Ном:*
E-Mail:
Матни шарҳ:
Посух додан
  • Тахлилгар

  • 10 апрел 2017 14:20
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Чунин ашхоси дупагонаи хатарноки чоплуси душахрвандидошта на мохи на гуштанд ва ба амнияти давлат хатар доранд. Касе бехуда сум ва нафака намедихад ва мусикиро супориш медихад.
Посух додан
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Чарима чй лозим. Дунё дунёи бозорай........ Хуб мешуд хар мох ба бучети давлат андоз месупоридан......Яке бечорахо бой мешуданей.......
Посух додан
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Олӣ! Беҳуда нагуфтаанд, ки "об аз боло лой меояд". Боло ки тоза шуд, поён худ ба худ тоза мешавад. Лекин ҷаримаи бисёр кам пешбинӣ шудааст. Ками кам бояд 5000 сомонӣ ҷарима шаванд.
Дуввум инки, забони қонунро дуруст кунед. "...пинҳон намудани иттилоот..." не, балки "...пинҳон намудани маълумот дар бораи..."
Посух додан
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Чикадар чаримаи вазнин! Охир барои як мансабдор ин чарима хисоб намешавад. У чандсад баробари ин пулро дорад. Чаримаро бояд боло бурд.
Посух додан
  • navoi

  • 10 апрел 2017 15:16
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
эээээ бе инсофо ин вазирони бечора ай кучо инкадар пул меебанд. илтимос як Каме кам кунед.
Посух додан
  • Носкаш

  • 10 апрел 2017 18:27
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Агар чаримаи вазбин ба маблаги 120 сомон кунед худатон мебинед ки ба чехияву олмон баромада мераванд

Матолиби ҳамсон:

Бойгонӣ

«    Июл 2017    »
ДушСешЧорПанҶумШанЯкш
 12
3456789
10111213141516
17181920212223
24252627282930
31 


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, хиёбони Саъдии Шерозӣ-16;

Телефон: (+992) 50 20 777 88; (44) 600 10 60;

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!