Русский  >>  فارسی  >>  Ҷумъа 26 май 2017, 04:54

Сокинони Обигарм: Як моҳ мешавад дар масҷид зиндагӣ дорем

10 апрел 2017, 15:58

Бархе аз сокинони маҳаллаи маъруф ба “Дача”-и шаҳраки Обигарм мегӯянд, бештар аз як моҳи пеш манзилҳояшон қисман зери ярч монд ва аз он замон дар масҷид зиндагӣ доранд.

Мавзигул Бобиева, як сокини ин маҳалла имрӯз, 10 апрел ба “Озодагон” гуфт, 3 марти соли равон дар пайи боришоти зиёд хонаҳояшон зери обу хок монд ва онҳоро дар масҷиди ба номи “Асо”-и шаҳраки Обигарм муваққатан маскун намуданд. Ӯ афзуд, “ба намояндагони шаҳри Роғун муроҷиат кардем, омада вазъияти моро бо чашми худ диданд. Гуфтанд ки инҷо макони хавфнок асту шумо зиндагӣ ихтиёр кардаед”.

Ин дар ҳоле ки ба гуфтаи хонум Бобиева, аз соли 2004 дар ин макон зиндагӣ доранд ва касе ба онҳо ҳушдор надода буд, ки инҷо минтақаи барои зиндагӣ хавнок аст: “Танҳо ҳоло омада ин гапҳоро мегӯянд. Агар дар вақташ ба мо барои сохтани манзил қитъаи замин ҷудо мекарданд, ин ҷо намеомадем”.

Мавзигул Бобиева мегӯяд, дар ин маҳалла наздики 30 хоҷагӣ зиндагӣ мекунад ва баъди ярч дар хонаҳои хешу табор ё масҷид зиндагӣ доранд. “Дар ҳамин масҷид наздики 50 зану кӯдак ва занҳои ҳомила ҳастанд. Кӯдакон қариб як моҳ мешавад ба мактаб нарафтаанд”,-изҳор дошт вай.

Замира Исматова, як сокини дигари маҳалла гуфт, зиндагиашон хеле душвор аст ва ба маводи ғизоӣ ниёз доранд: “Намедонем куҷо равем. Инҷо занҳои ҳомила, кӯдакони хурд ва маъюбон ҳам ҳастанд”.

Акс аз бойгонӣ


Шарҳи худро бинависед:

Ном:*
E-Mail:
Матни шарҳ:
Посух додан
  • Саид

  • 10 апрел 2017 17:50
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Раисони мо факат кор чашн гирифтани Навруз! Охир он хама консертхову пулхои харч намуда дар раксу сурудхову корхои бехударо намешуд, ки ба ин мардум кумак мекардед?!
Посух додан
  • Точ

  • 10 апрел 2017 21:20
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Ин гамхории давлат ба шахрвандон
Посух додан
  • Пурдил

  • 11 апрел 2017 09:14
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
ОЗОДагон навиштаи ман на бар зидди хукумат буд на бар зидди ниходи хукуматие, ки аз тарс чопаш накардед?! Танхо як насихате ба Худогурезон буд, ки чаро аз масчид метарсад дар холе, ки хамин масчидхо дар рузхои тангдасти паногохи мардум шуданду мешаванд?!

Матолиби ҳамсон:

Бойгонӣ

«    Май 2017    »
ДушСешЧорПанҶумШанЯкш
1234567
891011121314
15161718192021
22232425262728
293031 


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, хиёбони Саъдии Шерозӣ-16;

Телефон: (+992) 50 20 777 88; (44) 600 10 60;

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!