Э.Раҳмон барои мулоқоти ғайрирасмӣ ба Бишкек рафт
Эмомалӣ Раҳмон, раисиҷумҳури Тоҷикистон барои мулоқоти ғайрирасмӣ бо ҳамтоёнаш аз кишварҳои узви СПАД ба Бишкек рафт.
Тибқи иттилои дафтари матбуоти Президенти Тоҷикистон, Эмомалӣ Раҳмонро дар фурудгоҳи байналмилалии Душанбе раисони Маҷлиси миллӣ, Маҷлиси намояндагон, сарвазир, роҳбари Дастгоҳи иҷроияи Президент гусел намудаанд: "Дар ин сафар Президенти Ҷумҳурии Тоҷикистон Эмомалӣ Раҳмонро Ёрдамчии Президенти Ҷумҳурии Тоҷикистон оид ба масъалаҳои робитаҳои хориҷӣ ва дигар шахсони расмӣ ҳамроҳӣ мекунанд".
Дафтари матбуоти раисҷумҳури Қирғизистон мегӯяд, 14 апрел дар Бишкек ҷаласаи Шӯрои олии Иттиҳоди АвруОсиё дар назар аст, ки зимни он густариши ҳамкориҳо ва ҳамоиш дар доираи ин созмон баррасӣ мешаванд. Тоҷикистон аз миёни аъзои СПАД ягона кишварест, ки то ҳол ба Иттиҳоди АвруОсиё ворид нашудаст. Мақомоти тоҷик мегӯянд, ҷанбаҳои мусбату манфии узвият дар ин иттиҳодро омӯхта истодаанд.
Ҳамчунин, имрӯз дар пойтахти Қирғизистон мулоқоти ғайрирасмии роҳбарони Тоҷикистон, Русия, Белорусия, Арманистон, Қазоқистон ва Қирғизистон дар назар аст.
Мӯҳр
ТАҚВИМ
« Апрел 2024 » |
---|
Душ | Сеш | Чор | Пан | Ҷум | Шан | Якш |
---|
1 | 2 | 3 | 4 | 5 | 6 | 7 |
8 | 9 | 10 | 11 | 12 | 13 | 14 |
15 | 16 | 17 | 18 | 19 | 20 | 21 |
22 | 23 | 24 | 25 | 26 | 27 | 28 |
29 | 30 | |