Русский  >>  فارسی  >>  Сешанбе 27 июн 2017, 05:15

Путин: Баъди омадани Трамп муносибатҳо бадтар шудааст

13 апрел 2017, 17:16

Владимир Путин, президенти Русия гуфт, баъди корро ба ҳайси раисҷумҳур оғоз кардани ҳамтои амрикоияш Доналд Трамп мизони эътимоди тарафайн миёни Маскаву Вашингтон поин рафтааст.

Ин суханҳои Путинро, ки дар суҳбат бо шабакаи телевизионие баён шудаанд, сомонаи расмии Кремл 12 апрел, дар рӯзи мулоқоти котиби давлатии ИМА Рекс Тиллерсон бо ҳамтои русаш Сергей Лавров дар шаҳри Маскав нашр кард.

Президенти Русия дар посух ба суоли он ки баъди омадани Трамп муносибатҳои Вашингтон ва Маскав бад шуд ё беҳтар, мегӯяд, "метавон гуфт, ки дараҷаи эътимод дар сатҳи ҳамкорӣ, бахусус дар бахши низомӣ на боло, балки поин рафтааст".

Путин изҳороти ҷониби Русияро бори дигар такрор карда, гуфт, ҳукумати Сурия дар ҳамлае, ки ИМА кимиёӣ будани онро тасдиқ мекунад, айбдор нест. Дар натиҷаи ин ҳамла 4 апрел дар вилояти Идлиб даҳҳо сокини осоишта ҷон бохтанд.

Вай афзуд, ки ҷониби Русия дар робита ба ин қазия ду фарзияро пешбинӣ мекунад. Ба гуфтаи ӯ, эҳтимол аст, маводи заҳрогин дар натиҷаи зарбаҳои нерӯҳои ҳукуматӣ ба сехи истеҳсоли силоҳи кимиёии шӯришгарон хориҷ гашта бошад ва ё худи ин ҳамла "саҳнасозӣ" шудааст.
Иёлоти Муттаҳида ва кишварҳои дигар ин иддаоро рад карданд.


Шарҳи худро бинависед:

Ном:*
E-Mail:
Матни шарҳ:
Посух додан
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Путин барои президент шудани Трамп хеле кӯшиш карда бошад ҳам, дар фарҷоми кор ба ҷое нарасид. Ӯ як чизро ба назар нагирифт: Амрикоро на танҳо президент, балки Конгресс (порлумон)и он кишвар идора мекунад. Ҳар як вазиру кабир ва, ҳатто, худи президент Трамп таҳти назорати шадиди порлумон қарор доранд. Бар акси ин, Русияро фақат як нафар, Путин, идора мекунад. Ҳамин аст, ки Путин дар ҳама ҷо ҳокимони диктатору яккатозро дастгирӣ мекунад, мисли Башор Асад, Лукашенко ва чанди дигарон. Ӯ бо тамоми вуҷудаш зидди низоми демократӣ, арзишҳои ҳуқуқи инсон, озодии сухан ва парламентаризм мубориза мебарад. Дар худи Русия ва дар Урупо ва кишварҳои собиқ Шӯравӣ.

Матолиби ҳамсон:


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, хиёбони Саъдии Шерозӣ-16;

Телефон: (+992) 50 20 777 88; (44) 600 10 60;

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!