Русский  >>  فارسی  >>  Ҷумъа 26 май 2017, 02:57

Марги Нозимаи ноболиғ: Аз шарҳи муттаҳамон то ташхисгар ва иддаои модар

17 апрел 2017, 18:37

Додгоҳи Олии Тоҷикистон марги Нозима.И, сокини 17-солаи шаҳри Турсунзодаро, ки дар қатлаш ду ҳамдеҳаи ӯ муттаҳам мешаванд, ба баррасӣ гирифт. Дар нахустин мурофиа, ки имрӯз, 17-уми апрел сурат гирифт, наздикони марҳум, муттаҳамон дар қатли ӯ ва ташхисгари судӣ, ки қаблан гуфт, Нозима худкушӣ кардааст, баромад намуданд.

Нодира Маҳмудова, модари Нозима дар ҳошияи мурофиа ба хабарнигорон гуфт, 2 рӯз қабл аз марг духтараш ба ӯ изҳор доштааст, ки Абдулқосим Норматов, сокини 18-солаи шаҳри Турсунзода ба номусаш дастдарозӣ кардааст: “Вақте духтарам ба ман гуфт, ки ӯро Абдулқосим таҷовуз кардааст, гуфтам, ки ба ӯ гӯяд падару модарашро ба хостгорӣ фиристад. Зеро ман наметавонам ин ҳодисаро ба падару бобояш гӯям”.

Аммо айбдоркунандаи давлатӣ иддаои наздикони марҳумро дар мурофиа рад карда, гуфт, “дар даст ду ташхиси тиббӣ дорад ва духтарашон бокира ба хок супурда шудааст”.

Айбдоркунанда афзуд, судшаванда Абдулқосим Норматов, сокини ҷамоати Сешанбеи деҳаи Иброҳим Бозорови шаҳри Турсунзода ба гуноҳи худ иқрор шудааст ва иброз доштааст, ки ӯ Нозимаро ба хотири таҳдидҳояш ба қатл расонидааст: “Вақтҳои охир духтар мегуфтааст, ки агар ӯро нагирад дар байни мардум шармандааш мекунад ва мегӯяд, ки ба номусаш дастдарозӣ кардааст”.

Судшавандаи дигар Раҳимҷон Комилов, ҳамсинфи Абдулқосим зимни мурофиа гуфт, ҳамсинфаш барои куштани Нозима чанд бор аз ӯ кумак хостааст: “Рӯзи 2 феврал буд, шабона бо мошини падари Абдулқосим ба хонаи бибии Нозима омада, ӯро аз хона бо ҳар баҳона дӯстам фиреб карда баровард. Аз роҳ 9 литр бензин харидорӣ кардем. Вақте ба ҷои ҳодиса расидем, як ҷои хилват буд. Абдулқосим гуфт, ки дуртар истам. Ман аз мошин фаромада, каме дур рафтам, ӯ бошад духтарро бо корд зада, сипас аз мошин бароварда, оташ зад. Абдулқосим гуфта буд, ки Нозима зиёд таҳдидаш мекунад ва бояд ӯро тарсонад. Ман фикр намекардам, ки кор то ин ҷо мерасад”.

Пас аз ин ҳодиса Абдулқосим ҳамсинфи худ Раҳимҷонро то хонаашон оварда, ба хонаи худ баргаштааст. Ба падараш, ки дар мошин корди олудаи хун ёфтааст, изҳор доштааст, ки нафаре аз ҳамроҳонаш дасташро буридаст.

Мирзомиддин Мирзораҳим, мудири шуъбаи ташхиси судӣ-тиббии шаҳри Турсунзода, ки дар додани хулосаи бардурӯғ муттаҳам мешавад, дар додгоҳ иқрор кард, ки аввал ташхиси тиббиро нодуруст хулосабарорӣ карда, гуфтааст, духтар худкушӣ кардааст: “Ман таҷрибаи 35-солаи корӣ дорам, вале бори аввал аст, ки хато карда, худро гунаҳкор медонам. Аз дохили меъдаи духтар 150-200 грамм бензин пайдо шуд ва фикр кардам, ки ӯ худкушӣ кардааст. Маълум аст, ки инро дар ҳоли зинда буданаш ба ҳалқаш рехтаанд, зеро мурда наметавонад бензинро фурӯ барад”.

Мирзомиддин Мирзораҳим, дар шарҳи хулосаи нодурусташ гуфт, қисме аз ҷасадро ҳайвону паррандаҳо канда буданд: “Ҳамон ҷойҳое, ки корд зада буданд, ман фикр кардам, ки онро ҳайвону паррандаҳо канда бурдаанд”.

Нодира Маҳмудова, модари Нозима Исомиддинова мегӯяд, пас аз 10 рӯзи қазия аз Душанбе коршиносон омада, дар пайи ташхиси дубора муайян кардаанд, ки “дар асл Нозима худкушӣ накарда, балки ӯро бо 14 зарби корд захмӣ карда, баъдан оташ задаанд”.

Мурофиаи навбатии қатли Нозима, ки 2 феврали соли равон рух дод, 19-уми апрел таъин шуд.


Шарҳи худро бинависед:

Ном:*
E-Mail:
Матни шарҳ:
Посух додан
  • Мастчох

  • 18 апрел 2017 06:46
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Аз ин бармеояд.ки писар духтарро барои тухмат ва шантаж накарданаш куштааст. Хулоса . Писарро озод кунед ва модари духтарро 20сол барои ёри ба духтараш хабс кунед.
Посух додан
  • Беном

  • 18 апрел 2017 16:14
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Писару духтарон то ба ин дарачахо расиданд ин аст окибатхои демократия порахури.
Посух додан
  • дилмурод

  • 18 апрел 2017 17:12
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Бача аз насли одами набудаст.Бука будай ку букаро касоби турма ждат дорад
,
Посух додан
  • Дилмуроди ПОМИРИ

  • 18 апрел 2017 17:19
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Нозима аз дасти як номусулмони ноодам шахид шудаас.Худованд чояшро садри чаннат кунад ва Язидзодаро ба бало гирифтор кунад.Хар чизеки ба худ раво надори ба дигарон маписанд !!!!!!!!!!!!
Посух додан
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Ин писарро камаш 7 сол ьиен лек фикр мекунам холям барош кам аст

Матолиби ҳамсон:

Бойгонӣ

«    Май 2017    »
ДушСешЧорПанҶумШанЯкш
1234567
891011121314
15161718192021
22232425262728
293031 


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, хиёбони Саъдии Шерозӣ-16;

Телефон: (+992) 50 20 777 88; (44) 600 10 60;

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!