Русский  >>  فارسی  >>  Ҷумъа 18 август 2017, 21:28

“Смартфони ҳаррӯза” аз Tcell – Беш аз 100 нафар соҳиби смартфон шуд!

18 апрел 2017, 10:57

Ширкати Tcell иқдоми наҷиби “Смартфони ҳаррӯза 2017”-ро баргузор мекунад. Ин иқдом 27 март оғоз шуда, то 15 май идома мекунад.

Ҳамарӯза давоми 50 рӯз 5 смартфони нави Huawei Y3 II ба ғолибон тақдим мешавад. Дар финал бошад, панҷ телевизори TV LED LG SMART ба бозӣ гузошта мешавад!

Барои иштирокчии ин иқдом шудан кофйист тавозуни телефонатонро ба 5 ё бештар аз он пур намоед. Ин маблағ пурра ба ҳисоби шумо мегузарад. Барои ҳар 5 сомонӣ муштарӣ тавассути смс-пайёмак рамзи инфиродӣ дарёфт мекунад. Соҳиби туҳфаҳо тавассути ҳамин рамзҳо муайян мегарданд. Ҳамарӯза дар дафтари асосии ширкат – Tcell Plaza дар шаҳри Душанбе ғолибони 5 смартфон тавассути лоторея маълум мегарданд. Ин раванд мустақиман дар эфири радиои “Ватан” аз соати 8:40 то 9:20 пахш мегардад. Ғолибон ҳамон лаҳза огоҳ карда мешавад. Ба онҳо аз эфири мустақим ҳам тамос мегиранд.

Аз оғози иқдом то кунун 110 нафар соҳиби смартфон гардиданд. Ҳар ғолиб қиссаи ҷолиби худро дорад. Ҷолибтарин рӯзи иқдом 1 апрел буд. Ғолибоне, ки соҳиби смартфон шуданд дар ин рӯз ба ҳарфҳои ровии радиои “Ватан” ва кормандони ширкат бовар намекарданд. Отамурод Назаров, ки дар ин рӯз ғолиб омада буд, то охирин лаҳза ба кормандони ширкат мегуфт, “шухӣ накунанд”. Ӯ танҳо баъди он ки ба дафтари ширкати Тселл омад ва смартфонро ба даст гирифт, бовар ҳосил кард, ки ғолиб шудааст.

Нахустин смартфон дар аксияи мазкур насиби Ҳодиқул Халилов аз ноҳияи Айнӣ шуд. Вай баъди дарёфти СМС бо рамзи инфиродӣ фаҳмид, ки иштирокчии иқдоми Тселл шудааст. Ӯ ҳамагӣ бо 5 сомонӣ тавозуни телефонашро пур карда буд. “Ба фикрам хеле шахси хушшонсе ҳастам! Вақте чунин хабари хушро мефаҳмӣ, бешак хушҳол мегардӣ!”,- изҳор дошт Ҳодиқул вақте ба ӯ смартфонашро тақдим мекарданд.

Ҳабибулло Шоев, ки дар рӯзи даҳуми иқдом ғолиб шуд, барои гирифтани туҳфаи худ аз ноҳияи Рӯдакӣ ба Душанбе омадааст. Ӯ ба телефони модараш маблағ гузаронда ва ID-рамзро мебинад. Рӯзи дигар ба телефони кормандони ширкат худаш ҷавоб дод. Ҳабибулло тасмим гирифт, ки дар бораи ин пирӯзӣ ба модараш ҳарфе назанад ва барои ӯ сюрприз намояд. Худаш ба Душанбе омада, смартфонро гирифт.

“Смартфони ҳаррӯза” аз Tcell – Беш аз 100 нафар соҳиби смартфон шуд!Одамони касбу кори тамоман гуногун – донишҷӯён, бознишастаҳо, сохтмончиҳо, варзишгарон, фурушандаҳо ва кормандони ширкатҳои мухталиф соҳиби смартфон мегарданд. Онҳо барои гирифтани смартфони худ аз гӯшаву канори Тоҷикистон меоянд. Аммо ҷуғрофиёи иқдом маҳдуд нест! Чанд рӯз пеш як муштарии мо Миа Хансен аз Дания ғолиб омад! Ӯ муваққатан дар Тоҷикистон кор мекунад ва мегӯяд, кишвари мо барояш хеле писанд омадааст. Ба гуфтаи ӯ, инҷо ӯро меҳрубонӣ, меҳмоннавозӣ ва сюрпризҳое монанди смартфони нави Tcell ба ҳайрат овардаанд.

Дар рӯзҳои баргузории иқдом Tcell аз ҳамаи муштариёнаш даъват мекунад ба дафтари марказӣ биёянд ва шахсан раванди лотереяро назорат баранд. То кунун тамоми раванди иқдомро худи муштариён назора кардаанд.

Ширкати Tcell чунин як иқдомро соли 2015 баргузор карда буд. Он замон Tcell ба муштариёнаш 250 смартфони нав, 2 Smart TV 3D бо кинотеатри хонагӣ, 4G роутер бо бастаи ҳармоҳаи интернет ва 10 планшети SamsungGalaxy Tab4 бо рақамҳои нуқрагин туҳфа намуд. Сомонаи расмии ширкат ва саҳифаҳои он дар шабакаҳои иҷтимоӣ аз раванди аксияи имсола пайваста маълумот медиҳанд.

Шитобед ва дар иқдом иштирок намуда, соҳиби смартфон шавед!

Маълумоти бештарро дар мавриди қавоиди иштирок аз сомонаи расмӣ дарёфт намоед (http://www.tcell.tj/content/news/action-daily-mobile/) ё ба рақами кутоҳи 150 тамос бигиред.


Шарҳи худро бинависед:

Ном:*
E-Mail:
Матни шарҳ:
Посух додан
  • бе радио

  • 18 апрел 2017 21:15
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Шахсоне ки имконияти рафтан ба маркази тсел ва ё гуш кардани радиои Ватанро надоранд, аз кучо фахманд ки бурд кардаанд ё не дар телефони ман кариб 100 раками смс-пайёмаки рамзи инфиродӣ аст. Вале намедонам ки онхо бурд мекунан ё не. хохиш мекунам агар рамзхои бурднокро тавассути паёмак ба муштариён мерасониданд хубтар мешуд. Кори осон аст куу!!!!

Матолиби ҳамсон:


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, хиёбони Саъдии Шерозӣ-16;

Телефон: (+992) 50 20 777 88; (44) 600 10 60;

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!