19 апр 2017 09:19Оcиёи Марказӣ / Тоҷикистон

Корманди Колеҷи тиббӣ бо гумони гирифтани 700 доллар пора боздошт шудааст

Кормандони пулиси вилояти Суғд як сокини 51-солаи шаҳри Хуҷандро бо иттиҳоми гирифтани ришва дастгир кардаанд.

Ба иттилои Вазорати умури дохилии Тоҷикистон, боздоштшуда корманди Коллеҷи тиббии шаҳри Хуҷанд буда, 17 апрели соли равон аз як зани 22-солаи сокини ноҳияи Ашт барои дохил намудани шиносаш ба коллеҷ 700 доллари амрикоӣ талаб кардааст: “Тахминан соати 19:30-и ҳамин рӯз дар ҳудуди шаҳри Хуҷанд ҳангоми гирифтани маблағи мазкур дастгир карда шуд. Далели шайъӣ гирифта шуд”.

Манбаъ мегӯяд, аз рӯи ин ҳодиса парвандаи ҷиноятӣ оғоз гардида, тафтишот идома дорад.

Мӯҳр

Хабарҳои монанд:

Юсуф

Як "бечораро" барои чӣ дастгир карданд. Ин доля дар ҳамаи омӯзишгоҳҳои тиббӣ тахминан ҳамин хел аст, аз 700 то 1000 доллар. Ин чизи нав нест. Магар кормандони пулис аз ин бехабаранд?
Агар фардо фарзанди ҳамон корманди пулис ба он омӯзишгоҳ равад, бо ду дасти адаб 700 $ бурда медиҳад. Бале, одамҳо барои фарзанд ба чӣ корҳое даст намезананд!

Ҷавоб диҳед Иқтибос Шикоят

Юсуф

Вазъи мактаб ва литсейҳоро чаро кормандони пулис нодида мегиранд? Дар ҳама макотиб фарзанди пулис ҳам ҳаст, суду прокурору амният ҳам мехонад. Вале бо вуҷуди ин, рӯи хотири фарзанд, ҳамаи онҳо ҳар моҳ фонди синф; дар ҷашнҳо ва рӯзи таваллуди муаллима маблағи муайяне медиҳанд, хомӯшона! Дар охири сол 25-30 сомонӣ барои таъмири синф инчунин. Магар он шахсони масъул бехабаранд, ки ҳамаи ин пулситониҳо ғайри қонунианд? Боз ҳам то ҳол нашунидаем, ки ягон муаллимаи порахӯр ё директори ситамгар дастгир шуда бошад! Ана ҳамин тавр. Ҳамаи мо дидаву дониста барои фарзанд қонуншиканӣ мекунем ва кормандони ҳифзи ҳуқуқ инчунин.

Ҷавоб диҳед Иқтибос Шикоят

Эзоҳ илова кунед