Русский  >>  فارسی  >>  Якшанбе 25 июн 2017, 23:54

Назарбоев ришу сиёҳпӯширо бегона хонда, хостори манъи он шуд

20 апрел 2017, 10:30

Нурсултон Назарбоев, раисиҷумҳури Қазоқистон шими кӯтоҳу ришмонии мардон ва либоспӯшии сиёҳи занонро фарҳанги бегона хонда, даъват кардааст, ки масъалаи манъи он аз нигоҳи қонунӣ дида шавад.

Тибқи иттилои дафтари матбуоти президенти Қазоқистон, Назарбоев ин нуктаро 19 апрел дар мулоқот бо руҳониёни аршади кишвараш изҳор дошта, афзудааст, ки ҷавонон аз бесаводӣ риш мемонанад, шимҳояшонро кӯтоҳ мекунанд: “Шумори қазоқдухтароне, ки пурра худро бо либоси сиёҳ мепӯшонанд, зиёд шудаанд, ки ба фарҳанги мо мутобиқ нест. Қазоқҳо либоси сиёҳро дар мотам мепӯшанд”.

Ба иттилои манбаъ, Президент аз фарҳанги қазоқҳо, анъанаи либоспушии занони кишвараш ёдовар шуда, гуфтааст, миёни дин ва сиёҳпушӣ алоқае нест: “Агар ҷавонон бегонапарастӣ кунанд ба давлат чи мешавад? Мо ба ин иҷоза намедиҳем. Дар замони рушди техника ва технология Қазоқистон бояд арзишҳои миллӣ, фарҳанг ва анъанаҳоро нигоҳ дорад”.

Назарбоев доштани донишҳои диниро миёни аҳолӣ муҳим хонда гуфтааст, мусалмони ҳақиқӣ на аз рӯи либос, балки ба боварияш дар ботин фарқ мекунад ва агар дар қалби инсон ишқ ҳаст, пас, ӯ эътиқод дорад.

Раисиҷумҳури Қазоқистон аз ҷойгоҳи мазҳаби ҳанафӣ миёни мардумаш ёдовар шуда, гуфтааст, бояд мутахасисони бомаҳорат барои омӯзиши ин равияи Исломро омода кард.

Президенти Қазоқистон афзудааст, ки давоми асрҳои XVIII-XIX ҷаҳони Ислом дар кулли дунё раҳбар буд: “Он сарчашмаи илм, ватани файласуфон, табибон ва нависандагон буд ва мо мавқеи роҳбариро дар ин масъалаҳо аз даст додем. Имрӯз мо бояд барои кашфи илму дониш баҳри худ ба суи ҷаҳони мутамаддин ҳаракат намоем”.


Шарҳи худро бинависед:

Ном:*
E-Mail:
Матни шарҳ:
Посух додан
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Салом!

Ба умеди замони рушди техникаи мувакатиятон аз киёмати пурнозу неъмати абади намонед! худатон ки дар чорчубаи Дини Ислом амал намекунед, дигаронро аз ин ягона рохи хидоят ва хак нагардонед, илтимос.

Матолиби ҳамсон:


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, хиёбони Саъдии Шерозӣ-16;

Телефон: (+992) 50 20 777 88; (44) 600 10 60;

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!