Русский  >>  فارسی  >>  Сешанбе 25 апрел 2017, 02:09

ВКД дар шарҳи кушта шудани ду зодаи Осиёи Миёна дар Русия: Пайгирӣ дорем

20 апрел 2017, 17:34

Вазорати умури дохилии Тоҷикистон мегӯяд, қазияи маҳвсозии ду зодаи Осиёи Миёнаро аз сӯи кормандони ФСБ дар вилояти Владимир пайгирӣ мекунад. Расонаҳои русӣ онҳоро шаҳрванди Тоҷикистон муаррифӣ кардаанд.

Умарҷони Эмомалӣ, сухангӯи ВУД 20 апрел дар суҳбат ба “Озодагон” гуфт, дар ҷараёни пайгирии қазия шаҳрванди кадом кишвар будани онҳоро дақиқ хоҳанд кард: “Дар робита бо намояндаҳои Сафорати Тоҷикистон дар Русия дар тамос ҳастем”.

Хадамоти федеролии амнияти Русия ё ФСБ аз кушта шудани ду зодаи Осиёи Миёна дар пайи як амалиёт хабар дод. Расонаҳои русӣ бо такя ба манобеи худ дар мақомоти амниятӣ навиштанд, ки онҳо шаҳрванди Тоҷикистон будаанд. ФСБ ин ду нафарро дар ҳамдастӣ дар ҳамлаҳои террористӣ муттаҳам медонад ва эълон кард, дар ҷараёни амалиёти боздошт ба кормандони амният муқовимат нишон додаанд. Ному насаби ин ду нафар эълон нашудааст, аммо сину соли онҳо 26 ва 30 гуфта мешавад: “Онҳо ба омода кардани маводи тарканда майл дошта, барои содир кардани амалҳои террористӣ дар ҳудуди Русия омодагӣ мегирифтаанд”.

Баъди ҳамлаи хунин дар метрои Санкт-Петербург дар рӯзи 3 апрел мақомоти Русия аз боздошти чанд зодаи Осиёи Миёна, аз ҷумла шаҳрвандони Тоҷикистон хабар доданд.




Шарҳи худро бинависед:

Ном:*
E-Mail:
Матни шарҳ:

Матолиби ҳамсон:

Бойгонӣ

«    Апрел 2017    »
ДушСешЧорПанҶумШанЯкш
 12
3456789
10111213141516
17181920212223
24252627282930


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, хиёбони Саъдии Шерозӣ-16;

Телефон: (+992) 50 20 777 88; (44) 600 10 60;

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!