Русский  >>  فارسی  >>  Сешанбе 25 апрел 2017, 02:11

“Вазири хориҷаи Эрон замони муносиб ба Тоҷикистон меравад”

21 апрел 2017, 08:46

Муҳаммад Ҷаводи Зариф, вазири умури хориҷаи Ҷумҳурии исломии Эрон дар замони “муқтазӣ” (тақозокунанда, дархур, муносиб) ба Тоҷикистон сафар мекунад. Ин нуктаро сухангӯи Вазорати хориҷаи ин кишвар дар посух ба суоли хабарнигорон изҳор доштааст.

Бино ба хабари оҷонсии иттилоотии ИРНА-и ҷумҳурии исломӣ вақте аз Баҳром Қосимӣ пурсидаанд, ки чаро вазири хориҷа зимни сафари даврияш ба кишварҳои Осиёи Марказӣ ва Қафқоз ба Тоҷикистон нарафт, таъкид намуда, ки ин сафар замони “муқтазӣ” сурат хоҳад гирифт. Аммо сухангӯи вазорат нагуфтааст, ки ин замон муносиб кай аст.

Қосимӣ далели аслии ба Тоҷикистон наомадани вазирро “фишурдагии барномаҳои дохилӣ ва хориҷии вазир умури хорҷа” номида гуфтааст, “барномарезии барои сафари раиси дастгоҳи дипломосӣ ба соири кишварҳои Осиёи Марказӣ ва Қафқоз, аз ҷумла Тоҷикистон дар дастур кор қарор дорад дар замон муқтазӣ ҳатман анҷом мешавад”.

Сухангӯи Вазорати умури хориҷии Эрон таъкид намуда, ки фишурдагии барномаҳои дохилӣ ба вазир ин имкон ва иҷозаро намедиҳад, ки дар сафарҳои минтақаӣ ба ҳама кишварҳо сафар бикунад.

Муҳаммад Ҷаводи Зариф аз рӯзи якшанбеи ин ҳафта бо як ҳайати сиёсиву иқтисодии ҳамроҳаш ба Туркманистон, Қирғизистон ва Гурҷистон сафар кард. Қабл аз ин сафар бархе расонаҳои эронӣ навиштанд, ки ӯ ба Тоҷикистон низ меравад.


Шарҳи худро бинависед:

Ном:*
E-Mail:
Матни шарҳ:

Матолиби ҳамсон:

Бойгонӣ

«    Апрел 2017    »
ДушСешЧорПанҶумШанЯкш
 12
3456789
10111213141516
17181920212223
24252627282930


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин ва хориҷ аз он сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, хиёбони Саъдии Шерозӣ-16;

Телефон: (+992) 50 20 777 88; (44) 600 10 60;

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!