Русский  >>  فارسی  >>  Ҷумъа 28 июл 2017, 09:45

Раиси Оҷонсии зидди фасод боздошти кормандонашро "махфӣ" хонд

26 апрел 2017, 11:22

Сулаймон Султонзода, директори Оҷонсии назорати молиявӣ ва мубориза бо корруписия Тоҷикистон аз шарҳи боздошти кормандони баландпояи ниҳоди тобеяш ба далели сирри тафтишот худдорӣ кард.

Султонзода, имрӯз, 26-уми апрел дар ҳошияи ҷаласаи парлумон ба суоли хабарнигорон дар бораи боздошти тобеини баландпояаш гуфт, “ин ҳамааш махфӣ аст”.

Ин дар ҳолест, ки расонаҳо аз боздошти 17 корманди Агентии назорати давлатии молиявӣ ва мубориза бо коррупсия хабар медиҳанд. Оҷонсии зидди фасод дар бораи ин боздоштҳо иттилои расмие нашр накардааст, аммо масъулини ин ниҳод ба расонаҳо дар мавриди чанд тан аз боздоштшудаҳо гуфтаанд, онҳо қаблан аз кор рафта буданд.

Миёни боздоштшудаҳо исми Давлатбек Хайрзода, муовини пешини раиси агентӣ, Фирӯз Холмуродзода, муфаттиши калон ва Ҷамолиддин Муҳамадзода, сардори раёсати ташкилӣ-нозиротӣ ва Фирдавс Ниёзбадалов, муфаттиши собиқи агентӣ ҳам гуфта мешавад: "Як корманди агентӣ - Умед Камолов - дар пайгард эълон шудааст".

“АП” менависад, Хайрзода замоне боздошт шуда, ки қасди гузаштани марзи Қирғизистонро доштааст. Аммо бино ба манобеи Радиои “Озодӣ” ӯро дар фурудгоҳи шаҳри Хуҷанд, ҳангоми парвоз ба Русия дастгир намудаанд.

Ба иттилои расида, боздоштшудаҳо аслан дар “қаллобӣ” муттаҳам мешаванд. Фарзияҳое низ ҳаст, ки силсилаи боздоштҳо ба ҷараёни бунёди бемористони "Истиқлол” рабт дорад. Ҳафтаи гузашта Додгоҳи шаҳри Душанбе раиси собиқи раёсати сохтмони асосии шаҳри Душанбе маъруф ба УКС Саидшариф Анваров ва яке аз шарикони ӯро барои дуздии пулҳои буҷа дар сохтмони ин бемористон ба 18 соли зиндон ва як нафари дигарро ба 4 соли зиндон маҳкум кард. Гуфта мешавад, муфаттишони агентӣ фаъолияти УКС дар замони бунёди беморхонаро санҷида, ба он баҳои мусбат додаанд.

Мавриди таъкид аст, ки исми бархе аз боздоштшудаҳо дар робита ба қазияи пурсарусадои соҳибкори зиндонӣ Зайд Саидов расонаӣ шуда буд. Ба вижа, Фирӯз Холмуродзода, ки сардории гуруҳи тафтишотии ин қазияро бар уҳда дошт. Ҷамолиддин Муҳамадзода бошад, соли 2013 дар замони баррасии парвандаи ҷиноии Саидов сардори раёсати тафтишотии Агентии зидди фасод буд.


Шарҳи худро бинависед:

Ном:*
E-Mail:
Матни шарҳ:
Посух додан
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Мешидайда хамихелам. Хеч бовар надоштам.
Посух додан
  • Ватандуст

  • 25 апрел 2017 21:17
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Ана мешудаст ку! Тоза кардан даркор ватана тоза!!!
Посух додан
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Бозии сиеси сар шуд. Умедворем, ки натичаи хуб хохад дод. Агар худнишондихи набошад, иншоалло давлат таракки хохад кард...ва агар Хукумат нияти решакан кардани коррупсияро карда бошад, ин сигнали хуб аст...
Посух додан
  • Шахрванд

  • 26 апрел 2017 06:48
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Ана ина корупсия мегуянд.Бечора муаллим,мурабби барои 10 ,20,сомон дар тамоми чой муаллим пул мегира кадом муаллими бечора мошинхои киматбахо дорад.мехнат мекунад,ки хамин 10,20,с.волидайн медихад ба фарзанди вай як чиз иловаги омузад.....хаминхел сохтмонхоро бисёртар омузанд ин ба фикрам як шохачааш аст.
Посух додан
  • ном

  • 26 апрел 2017 07:20
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Ино пуштибони давлат не хоин будан. Ахсан кумитаи амният мо бо шумоем аз ифлосон ватанро тоза кунед.
Посух додан
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Офарин ба кормандони КДАМ ЧТ
Посух додан
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Кумитаи Амнияти милли бояд хаминхел корро нисбат ба кормандони коррупсия, прокуратура, милитсия кавитар гардонад, ба мисли оне,ки бархе бо ном муллохои зинокору шлангбозу авомфиребро дасгир карда буд.
Посух додан
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Офарин Кумитаи давлатии амнияти миллӣ! Ана ҳамин тавр кор кардан лозим. Корҳои мубориза бар зидди терроризму экстремизм ҳам лозим аст. Вале ин корҳоро бояд пештар мекардед. Лекин ҳозир ҳам дер нашудааст. Баъд ин муовини роҳбари Агентии зиддифасод Давлатбек Хайрзода собиқ корманд набуд. У корманди амалкунанда буд. Новобаста аз ин ҳам аҳсан.
Посух додан
  • А к

  • 26 апрел 2017 10:38
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Офарин кдам!!!
Посух додан
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Шахрванд,
Дилат ба муаллимон месӯзад? 10-20 сомонӣ буд, акнун то 50-100 сомонӣ хест. Ин ба фикрам аз баландравии доллар аст. Барои дарсҳои иловагӣ мактабҳо аз волидон музди расмӣ мегиранд, гӯё ки қонунӣ. Ҳар мактаб ҳар хел. Ҳар моҳ аз 30 то 50 сомонӣ. Ин барои дарсҳои иловагӣ аст. Боқӣ ҳамаи пулситониҳо аз тарафи 3-4 зани чоплус барои муаллим, комилан ғайри қонунист. Ин гуна муаллими порахӯр ва директор ҳатман бояд ҷазо гирад.
Посух додан
  • Хабархони Озодагон

  • 26 апрел 2017 11:41
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Нафаре бо имзои мустаори "Вакт" дар зери хабари Озодагон тахти сарлавхаи "Раҳбари гуруҳи тафтишотии парвандаҳои Зайд Саидов мансаби нав гирифт" навишта буд: "Вакту соат нишон мета и одам чихелай" Инак, вакту соат исбот намуд!
Посух додан
  • нодон

  • 26 апрел 2017 12:27
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Сулаймончон зик наша зато макомотат аз ифлосгарон пок шуд. Акнун поквичдона кор кардан лозим чунки чизе дар декаст кавлезда мебарояд У К харомтарин корманди ин ниход буд
Посух додан
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
КДАМ АХСАН БАР КОРМАНДОНАТ. МО БО ШУМО МЕфАХРЕМ
Посух додан
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
кдам ҷт бовар кунед яке аз пешсафони амният дар ҷаҳон мебошад офарин коро пеш бурдан гиред холо коратон зиед аст то охирин нафари пора хурро тоза кунед вкд маориф комиссариат ҳарбӣ агентӣ беморхона хукматхо саҳш андоз экология годснандарт дар ин с охторҳо ҳам ҳастанд
Посух додан
  • Дурандеш

  • 26 апрел 2017 14:25
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Аслан вакте палатаи хисоб хаст, хеч зарурате ба мавчудияти агенти нест.
Ба қафо | Ба пеш

Матолиби ҳамсон:


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, хиёбони Саъдии Шерозӣ-16;

Телефон: (+992) 50 20 777 88; (44) 600 10 60;

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!