Мулоқоти Сироҷиддин Аслов бо ҳамтоҳояш аз Ҷопон ва Туркманистон
Сироҷиддин Аслов, вазири умури хориҷии Тоҷикистон дар доираи ҷаласаи 6-уми вазирони корҳои хориҷии Муколамаи “Осиёи Марказӣ + Ҷопон”, ки дар Ишқобод баргузор шуд, бо ҳамтоҳояш аз Ҷопон ва туркманистон мулоқот кардааст.
Бино ба иттилои торнамои расмии ВУХ, дар дидори Аслов ва Фумио Кисида густариши муносибатҳои Тоҷикистон ва Ҷопон баррасӣ шудааст: “Сироҷиддин Аслов ва Фумио Кисида алоқамандии мутақобилро ҷиҳати таҳкиму тавсеаи ҳамкориҳои амалии ду кишвар дар соҳаҳои тиҷоратию иқтисодӣ, сармоягузорӣ, нақлиётӣ, саноатӣ, энергетикӣ ва фарҳангию башарӣ баён намуданд”.
Дар мулоқот бо Рашид Мередов, вазири корҳои хориҷии Туркманистон ҷонибҳо ҳолат ва дурнамои густариши муносибатҳои ду кишвар дар арсаҳои сиёсӣ, иқтисодӣ, тиҷоратӣ, энергетикӣ, нақлиётӣ ва фарҳангию башариро ба баррасӣ гирифтаанд.
Ҷаласаи 6-уми вазирони корҳои хориҷии Муколамаи “Осиёи Марказӣ + Ҷопон” рӯзи якуми май дар Ишқобод баргузор шуд. Аслов зимни суханронӣ
ба рӯзномаи Муколама ворид намудани масъалаҳои мубориза бо терроризм, пешгирӣ аз қочоқи маводди мухаддир ва мусоидат ба рушди осоиштаи Афғонистонро мубрам арзёбӣ кардааст: “Дар натиҷаи нишасти вазирони корҳои хориҷии Муколамаи “Осиёи Марказӣ +Япония” Баёнияи муштарак ба имзо расид ва Харитаи роҳи ҳамкории минтақавӣ дар соҳаҳои нақлиёт ва логистика қабул карда шуд”.
Қарор шудааст, ки дар давраи солҳои 2017-2018 Муколамаро Тоҷикистон раисӣ мекунад. Нишастаи 7-уми вазирони корҳои хориҷии кишварҳои Осиёи Марказӣ ва Ҷопон ин навбат дар Душанбе баргузор мешавад.
Мӯҳр
ТАҚВИМ
« Март 2024 » |
---|
Душ | Сеш | Чор | Пан | Ҷум | Шан | Якш |
---|
| 1 | 2 | 3 |
4 | 5 | 6 | 7 | 8 | 9 | 10 |
11 | 12 | 13 | 14 | 15 | 16 | 17 |
18 | 19 | 20 | 21 | 22 | 23 | 24 |
25 | 26 | 27 | 28 | 29 | 30 | 31 |