Русский  >>  فارسی  >>  Душанбе 29 май 2017, 18:20

Мушкили сарпараст барои “Нигоҳи нав” ҳал шуд?

10 май 2017, 13:23

Шашумин Ҷашнвораи байналмилалии театрии ҷавонон “Нигоҳи нав” имсол аз 16 то 20 май бахшида ба 100 солагии Ҳунарманди мардумии Тоҷикистон Мушаррафа Қосимова баргузор мегардад.

Далери Имомалӣ, яке масъули “Нигоҳи нав” дар суҳбат ба “Озодагон” гуфт, қаблан дар масъалаи пайдо кардани сарпараст мушкилӣ доштанд ва имкон буд, ки ҷашнвора баргузор нагардад.

Ба гуфтаи Далери Имомалӣ дар ин вазъ аз Кумитаи ҷавонон, варзиш ва саёҳии кишвар ваъда додаанд, ки кӯмак мекунанд: “Ҷойи хоби иштирокчиёнро бояд таъмин кунанд. Мо имсол 34 меҳмони хориҷӣ- иштирокдорон ва доварон дорем. Махсус дар соли ҷавонон ва ҳафтаи ҷавонон умед дорам ки дастгирӣ мекунанд”.

Оқои Имомалӣ афзуд, ширкати “Сомон эйр” низ қисме хароҷоти сафари меҳмононро ба зима гирифтааст: “Ташкилоти ҷамъиятии “Созандагони Ватан” низ аз рӯзҳои аввали омодагиҳо бо мо ҳастанд”.

Ӯ илова намуд, ки соли равон дар ҷашнвора панҷ намоишнома аз сӯи ҳунармандони кишварҳои хориҷӣ намоиш дода мешаванд: “Иштироки меҳмонон ва намоишномаҳо аз Эрон, Русия, Қазоқистон, Қирғизистон, Афғонистон дар назар аст”.

Фестивали “Нигоҳи нав” панҷ соли қабл бо талоши як гуруҳ ҷавонон таъсис ёфта, ду соли ахир мақоми байналмилалиро касб намудааст.


Шарҳи худро бинависед:

Ном:*
E-Mail:
Матни шарҳ:
Посух додан
  • Исмоил

  • 11 май 2017 08:30
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Барои чи "Око" менависед, ин ба мо хос нест.

Матолиби ҳамсон:


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, хиёбони Саъдии Шерозӣ-16;

Телефон: (+992) 50 20 777 88; (44) 600 10 60;

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!