Бахшҳо
10 май 2017 17:42Тоҷикистон / Рӯ ба рӯ

Интиқоди Президент аз иҷро нашудани нақшаҳо дар “Роғун”

Эмомалӣ Раҳмон, раисиҷумҳури Тоҷикистон дар мулоқот бо масъулини НБО “Роғун” аз иҷро нашудани бархе нақшаҳои сохтмонӣ ва истифода нашудани техникаҳо интиқод кардааст.

Тибқи иттилои дафтари матбуоти раисиҷумҳури Тоҷикистон, Эмомалӣ Раҳмон дар хитоб ба масъулини “Роғун” ва ширкати “Салини Ипреҷило” таъкид кардааст, ки “дар муҳлатҳои муқарраргардида иҷро нашудани нақшаҳои пешбинишуда барои ба кор даровардани агрегати аввал то охири соли 2018 хавфи ҷиддӣ эҷод мекунанд”. Ӯ гуфтааст, “корҳое, ки барои ба истифода додани агрегатҳои аввал пешбинӣ шудаанд, назорати иловагӣ ва андешидани чораҳои фавриро тақозо менамояд”.

Раисиҷумҳур афзудааст, ки феълан 41 номгӯйи чорабиниҳо, ки барои бунёди нақбҳои сохтмонии 1, 2 ва 3 муайян шуда буданд, бо сабабҳои гуногун иҷро нагардидаанд: “Барои ба истифода додани ду агрегати аввал бояд нақби сохтмонии сеюм пурра ба истифода дода, корҳои заминӣ ва бетонрезӣ барои таҷҳизоти агрегатҳо, толори мошинҳо ва трансформаторҳо, бинои хизматрасониву истеҳсолӣ бо насби таҷҳизоти зарурӣ ба анҷом расонида, нақбҳо ва роҳҳои мошингард барои навбати аввали сохтмони сарбанд то баландии 1100 метр ба истифода супорида, минтақаҳои зериобшавандаи обанбор то баландии зикршуда омода карда шаванд. Проблемаҳои зикргардида ва дар муҳлатҳои муқарраргардида иҷро нашудани нақшаҳои пешбинишуда барои ба кор даровардани агрегати аввал то охири соли 2018 хавфи ҷиддӣ эҷод мекунанд”.

Эмомалӣ Раҳмон изҳор доштааст, ки айни замон дар корҳои сохтмони пешдарғот беш аз 330 мошину таҷҳизот, аз қабили автомашинаҳои боркаш ва экскаватору булдозерҳо мавриди истифода қарор доранд: “Ҳарчанд ки танҳо дар моҳҳои охир иқтидорҳои мавҷуда нисбатан пурра ба кор андохта шудаанд, вале ҳолати истифодаи техникаву таҷҳизот ҳанӯз ҳам беҳбудиро талаб мекунад. Зеро то имрӯз ҳамагӣ 75 фоиз мошину таҷҳизот истифода мешаванд ва дар баъзе мавридҳо як қатор мошину таҷҳизот пурра истифода намегардад”.

Раисиҷумҳур аз таҷрибаи сохтмони нерӯгоҳи барқи обии “Норак” зикр карда, изҳор доштааст, ки истифодаи хатти конвейерӣ яке аз роҳҳои самаранок истифода бурдани маблағ ва техникаи сохтмонӣ дар бунёди сарбанд мебошад: “Аз аввали таҳияи лоиҳаи нерӯгоҳи барқи обии “Роғун” низ барои бунёди пешдарғот ҳамин гуна технология пешбинӣ карда шуда буд. Хотиррасон месозам, ки мутобиқи нақша чунин таҷҳизот бояд аз ҷониби Ширкати “Салини Имперҷило” то охири соли 2017 пурра насб карда шуда, мавриди истифода қарор дода шавад. Аз ин лиҳоз, роҳбарияти ширкатро зарур аст, ки корро дар самти воридоти таҷҳизоти конвейерӣ ва насби он ҷоннок намояд ва ба қафомонӣ дар ин самт роҳ надиҳад”.

Дар баробари корҳои асосии сохтмону васлкунӣ Эмомалӣ Раҳмон ба масъалаи минтақаи зериобшаванда низ дахл карда, гуфт корҳо оид ба кӯчонидани аҳолӣ ва муҳайё намудани шароити зарурии зист барои муҳоҷирон дар ҷойҳои нави зист бояд вусъат бахшида шаванд: “Махсус таъкид менамоям, ки як қисми роҳи Ваҳдат – Нуробод – Лахш моҳи феврали соли 2019 зери об мемонад. Аз ин рӯ, Вазорати нақлиётро зарур аст, ки аз имрӯз барои омода кардани роҳи таворавӣ дар ин минтақа чораҳои зарурӣ андешад”.

Ба иттилои раисиҷумҳур то имрӯз барои сохтмон ва барқарорсозии нерӯғоҳи барқи обии “Роғун” зиёда аз 12 миллиард сомонӣ маблағ хароҷот шуда, соли ҷорӣ дар буҷети давлат 1,9 миллиард сомонӣ пешбинӣ гардидааст. Эмомалӣ Раҳмон таъкид намудааст, ки тамоми шароитҳо дар майдони сохтмони “Роғун” фароҳам шудаанд ва масъулин бояд барои иҷрои саривақтии нақша тамоми корҳоро амалӣ намоянд.
Мӯҳр
Салим
Бахона хаст, имсол боз лимит

Эзоҳ илова кунед
Номи шумо:
Почтаи электронии шумо:
  • bowtiesmilelaughingblushsmileyrelaxedsmirk
    heart_eyeskissing_heartkissing_closed_eyesflushedrelievedsatisfiedgrin
    winkstuck_out_tongue_winking_eyestuck_out_tongue_closed_eyesgrinningkissingstuck_out_tonguesleeping
    worriedfrowninganguishedopen_mouthgrimacingconfusedhushed
    expressionlessunamusedsweat_smilesweatdisappointed_relievedwearypensive
    disappointedconfoundedfearfulcold_sweatperseverecrysob
    joyastonishedscreamtired_faceangryragetriumph
    sleepyyummasksunglassesdizzy_faceimpsmiling_imp
    neutral_faceno_mouthinnocent
ХАБАРҲОИ ОХИРИН
Баҳси пурзӯр кардани ҳифзи сарҳади Тоҷикистону Афғонистон дар дидори Э.Раҳмон ва ҳайати парлумони Аврупо10:09Оғози фурӯши смартфонҳои iPhone 8 ва iPhone 8 Plus!09:49БО ЗАБОНИ ШЕЪР: Ман зи андешаи турконаи як ҳамватанам метарсам...15:34Чаро ҳукумат ҳамеша ба ТАЛКО имтиёз медиҳад?14:16“Шантаж”-и ҳамсар: Аз ҳаққи модарӣ даст накашӣ расвоят мекунам10:27Баҳси буҷа: Аз қарзи маош то қарзи хориҷӣ11:57Сарвазири Тоҷикистон бо Президенти Узбакистон мулоқот мекунад11:05Ҳимояти СММ аз cарбози тоҷики пайрави “Шоҳидони Яҳво”, ки либоси низомиро рад кард10:38АКС+ВИДЕО. Нахустин анҷумани маъюбони Тоҷикистон дар Душанбе11:51Маҷлис: Аз тағйироти кадрӣ то ваъдаи 80 мансабдор барои пулдиҳӣ аз кисаи худ15:46100 метр дуртар: Тамокукашӣ маҳдудтар шуд13:21Аз парвандаи Маҳмудов то муроҷиати ҷабрдидагони "7 бурҷ": Роҳкиро надорем (ВИДЕО)11:18Пешниҳоди журналисти тоҷик ба раҳбарони кишварҳои ҷаҳон: 2018-ро соли беяроқӣ эълон кунем!09:33Агентии зидди коррупсия гуфт, “Умед-88” ва Вазорати молия аз “Роғун” қарз гирифтаанд08:01Таърихи имрӯз: Мавлуд, ҷашн, санаҳои таърихӣ, дамои ҳаво, бозори арз07:44
ТАҚВИМ
«    Март 2024    »
ДушСешЧорПанҶумШанЯкш
 123
45678910
11121314151617
18192021222324
25262728293031
БОЙГОНӢ
Ноябр 2017 (5)
Октябр 2017 (192)
Сентябр 2017 (257)
Август 2017 (314)
Июл 2017 (301)
Июн 2017 (269)