Русский  >>  فارسی  >>  Душанбе 29 май 2017, 18:19

Ёрии 6 миллиондолларии ИМА ба Қӯшунҳои сарҳадии Тоҷикистон (АКС+ВИДЕО)

11 май 2017, 15:32

Ҳукумати Иёлоти муттаҳидаи Амрико дар ҳаҷми шаш миллион доллар ба Қӯшунҳои сарҳадии Тоҷикистон нақлиёт ва таҷҳизоти иртиботӣ тақдим намуд.

Расми тақдими ин таҷҳизот имрӯз, 11 май дар қисми ҳарбии 0119-и Қӯшунҳои сарҳадӣ бо ҳузури Саймумин Ятимов, раиси Кумитаи давлатии амнияти миллӣ, Раҷабалӣ Раҳмоналӣ, фармондеҳи Қӯшунҳои сарҳадӣ ва Элизабет Миллард, сафири Амрико дар Тоҷикистон баргузор шуд. Саймумин Ятимов, раиси КДАМ аз ин кумаки ИМА истиқбол намуда, гуфт, ИМА бо эҳсоси муҳимияти мубориза бо неруҳои террористиву экстремистӣ “ба мо ва мардуми тоҷик дар лаҳзаи бисёр ҳассос кумаки худро дареғ надошт”.

Ӯ афзуд, давоми даҳ соли охир Амрико ба марзбонони тоҷик чандин маврид “ба таври конкретӣ кумакҳои беғаразона кардааст”. Раиси КДАМ гуфт, “мо шоҳиди он ҳастем, ки ҳукумати ИМА дар сохтани дидбонгоҳҳои сарҳадӣ аз ҷиҳати техникӣ мустаҳкам кардани неруҳои сарҳадӣ кумаки зиёд мекунанд”.

Ҷаноби Ятимов таъкид намуд, ёрии ИМА на танҳо барои Тоҷикистон, балки барои минтақа ҳам муҳим аст: “Зеро Тоҷикистон бо Афғонистон беш аз 1400 километр марзи тулонӣ дорад ва мо муътақид ҳастем воқеоте, ки имрӯз дар марзҳои мо мегузаранд, дар танҳоӣ пешгирӣ карда намешавад”.



Элизабет Миллард, сафири Амрико дар Тоҷикистон аснои суханронӣ дар расми тақдими кумаки кишвараш гуфт, ҳамкории Вашингтону Душанбе дар роҳи ҳифзи марзҳои Тоҷикистон аз таҳдидҳои фаромиллӣ, ки метавонад ба субот ва амният дар Осиёи Марказӣ таъсир расонад, мусоидат менамояд. Ба гуфтаи ӯ, ҳатто дар ҳоли кам гардидани буҷаи Амрико низ, ИМА тақдими чунин кумакҳоро ба Тоҷикистон идома медиҳад. Хонум Миллард афзуд, қочоқи маводи мухаддир боиси ташвиш аст, зеро маблағҳои аз ҳисоби фурӯши он ба дастомада аксар вақт барои маблағгузории созмонҳои террористӣ дар саросари ҷаҳон истифода мешавад.

Дар ҳамин ҳол, сафири Амрико таъкид намуд, ки ахиран дар амалӣ намудани барномаҳои худ дар баъзе соҳаҳо ба мушкил мувоҷеҳанд. Ӯ дақиқ нагуфт, ки дар кадом соҳаҳо ба мушкил дуҷор гардидаанд, аммо изҳори боварӣ кард, ин мушкилиҳо пушти сар шуда, "онҳое ки ба кумак ниёз доранд, онро мегиранд".

Ба омори расмӣ давоми 25 соли ахир ИМА ба Тоҷикистон дар ҳаҷми бештар аз 1,8 миллиард доллар кумак кардааст, ки 155 миллион доллари он ба бахши низомӣ равона шудааст.

Ёрии 6 миллиондолларии ИМА ба Қӯшунҳои сарҳадии Тоҷикистон (АКС+ВИДЕО)

Ёрии 6 миллиондолларии ИМА ба Қӯшунҳои сарҳадии Тоҷикистон (АКС+ВИДЕО)

Ёрии 6 миллиондолларии ИМА ба Қӯшунҳои сарҳадии Тоҷикистон (АКС+ВИДЕО)

Ёрии 6 миллиондолларии ИМА ба Қӯшунҳои сарҳадии Тоҷикистон (АКС+ВИДЕО)

Ёрии 6 миллиондолларии ИМА ба Қӯшунҳои сарҳадии Тоҷикистон (АКС+ВИДЕО)

Ёрии 6 миллиондолларии ИМА ба Қӯшунҳои сарҳадии Тоҷикистон (АКС+ВИДЕО)

Ёрии 6 миллиондолларии ИМА ба Қӯшунҳои сарҳадии Тоҷикистон (АКС+ВИДЕО)

Ёрии 6 миллиондолларии ИМА ба Қӯшунҳои сарҳадии Тоҷикистон (АКС+ВИДЕО)

Ёрии 6 миллиондолларии ИМА ба Қӯшунҳои сарҳадии Тоҷикистон (АКС+ВИДЕО)

Ёрии 6 миллиондолларии ИМА ба Қӯшунҳои сарҳадии Тоҷикистон (АКС+ВИДЕО)

Ёрии 6 миллиондолларии ИМА ба Қӯшунҳои сарҳадии Тоҷикистон (АКС+ВИДЕО)


Шарҳи худро бинависед:

Ном:*
E-Mail:
Матни шарҳ:
Посух додан
  • Одина

  • 11 май 2017 16:09
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Ташаккур ба хукумати Амрико, ки гами мардуми мо ва гами мардуми ОМ мехурад ва кумаки худро дарег намедорад.
Посух додан
  • Гуруҳ: Гости
  • Қайд: --
  • Мақом:
  • Шарҳҳо: 0
  • Матлаб: 0
Агар ҳукумати Тоҷикистон барои мардикорони муҳоҷир шуда, домани Русияро намегирифт, кумаки Амрико 6 млн неву 6 миллиард доллар мебуд. Амрико ҳамасола ба Афғонистон 4 миллиард кӯмаки молӣ мекунад. Афғонистон расман ба рӯйхати кишварҳои дӯсти Амрико ҳисоб мешавад. Тоҷикистон чӣ? Дӯсти ҳеҷ кишвар. Ягона пушту паноҳ ва ҳамкори стратегии мо Русия солҳо боз моро мекушад, таҳқиру ҳақорату аҳмақ мекунад, ва ҳануз ҳам вассали (зердасти) худ мешуморад.

Матолиби ҳамсон:


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, хиёбони Саъдии Шерозӣ-16;

Телефон: (+992) 50 20 777 88; (44) 600 10 60;

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!