Русский  >>  فارسی  >>  Душанбе 29 май 2017, 18:21

90 000 сомонӣ ба се маҳаллаи беҳтарини Суғд

17 май 2017, 15:41

Дар шимоли Тоҷикистон озмуни вилоятии “Маҳаллаи беҳтарин” роҳандозӣ шудааст. Ғолибони се зинаи аввал дар маҷмӯъ соҳиби 90 ҳазор сомонӣ хоҳанд шуд.

Дафтари матбуоти раиси вилояти Суғд, ҳадафи ин озмунро “муайян намудан ва баҳо додан ба корҳои ободонӣ, кабудизоркунӣ, гулзоркунӣ, сохтмону таъмири иншооти иҷтимоӣ, роҳҳои маҳҳалӣ, таъминот бо оби нӯшокӣ дар маҳаллаҳои шаҳру ноҳияҳои вилоят” гуфтааст. Озмуни “Маҳаллаи беҳтарин”, ки ба 25 солагии Иҷлосияи XVI-уми Шӯрои Олии Ҷумҳурии Тоҷикистон бахшида шудааст, то 1 ноябри соли 2017 идома хощад кард.

Манбаъ мегӯяд, фароҳам овардани шароити мусоид барои рушди иқтисодию иҷтимоии минтақаҳои вилоят, ободонӣ, бунёдкорӣ, ҳифзи анъанаҳои миллӣ, фарҳанг ва таъриху тамаддуни тоҷикон аз дигар ҳадафҳои ин сабқат аст. Ғолибон бо Шаҳодатнома ва маблағҳои пулӣ қадр хоҳанд шуд. Дафтари матбуоти раиси вилояти Суғд мегӯяд, ба ғолиби ҷойи аввал 50 000 сомонӣ, ҷойи дуюм 30 000 сомонӣ ва ғолиби зинаи сеюм 10 000 сомонӣ тақдим мегардад.


Шарҳи худро бинависед:

Ном:*
E-Mail:
Матни шарҳ:

Матолиби ҳамсон:


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, хиёбони Саъдии Шерозӣ-16;

Телефон: (+992) 50 20 777 88; (44) 600 10 60;

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!