“Истиқлол” дар меҳмонӣ ҳам “Дордой”-ро мағлуб кард
Дастаи “Истиқлол”-и Душанбе, қаҳрамони панҷкаратаи Тоҷикистон, дар даври панҷуми марҳилаи гуруҳии Ҷоми AFC-2017 тими “Дордой”-и Бишкекро шикаст дод.
Ин бозӣ шоми 17 май дар пойтахти Қирғизистон баргузор шуд ва бо ҳисоби 4:1 хотима ёфт.
Се голи “Истиқлол”-ро Манучеҳр Ҷалилов (дақиқаҳои 8, 46 ва 75) ба ҳадаф расонд. Дар дақиқаҳои иловагии бозӣ Егор Потапов, бозигари “Дордой” иштибоҳан тӯбро вориди дастаи худ намуд. Ягона голи мизбононро Сулаймон Зарифов дар дақиқаи 50-ум ба дарвозаи “Истиқлол” ворид кард.
Қаблан низ “Истиқлол” дар доираи ин мусобиқот “Дордой”-ро бо ҳисоби 2:0 дар Душанбе шикаст дода буд.
“Истиқлол” баъди панҷ даври мусобиқа дар ҷадвали гуруҳи “D” бо 13 имтиёз дар ҷойи аввал қарор дошта, 31 май бо “Олтин Асир”-и Ишқобод қувва меозмояд.
Мӯҳр
ТАҚВИМ
« Март 2024 » |
---|
Душ | Сеш | Чор | Пан | Ҷум | Шан | Якш |
---|
| 1 | 2 | 3 |
4 | 5 | 6 | 7 | 8 | 9 | 10 |
11 | 12 | 13 | 14 | 15 | 16 | 17 |
18 | 19 | 20 | 21 | 22 | 23 | 24 |
25 | 26 | 27 | 28 | 29 | 30 | 31 |